Rektarka Akademii muzyki raskazała, što robić, kali bačyć svaich studentaŭ u padziemnych pierachodach ź instrumientami
Rektarka Biełaruskaj dziaržaŭnaj akademii muzyki Kaciaryna Dułava dała vialikaje intervju «SB. Biełaruś siehodnia». Pryvodzim samyja cikavyja vykazvańni.
Pra raźmierkavańnie
«Ja hanarusia tym, što na praciahu niekalkich hadoŭ u akademii stopracentnaje raźmierkavańnie vypusknikoŭ.
My viadziem sumiesnuju praduktyŭnuju pracu z arhanizacyjami — zakazčykami kadraŭ, u asnoŭnym z kancertnymi, teatralna-vidoviščnymi arhanizacyjami i ŭstanovami adukacyi. Biezumoŭna, u haliny kultury jość śpiecyfika pryjomu vypusknikoŭ na pracu ŭ tvorčyja arhanizacyi, jakaja tyčycca praviadzieńnia konkursu na zamiaščeńnie pasad tvorčych rabotnikaŭ. Naprykład, kab patrapić u toj ci inšy arkiestr, treba prajści konkursny adbor pierad zaklučeńniem pracoŭnaha dahavora. Heta patrabavańnie pradjaŭlajecca i da opiernych vykanaŭcaŭ».
Pra emihracyju vykanaŭcaŭ
«[Adjezd maładych muzykantaŭ] — surjozny pradmiet dla razvažańniaŭ. Tamu što kali padrychtavany nami śpiecyjalist zapatrabavany i pa ŭzroŭni majsterstva adpaviadaje patrabavańniam, što pradjaŭlajucca da muzykaŭ u lepšych arkiestrach abo teatrach śvietu, to jakija-niebudź zabarony ŭ hetaj śfiery absalutna niepraduktyŭnyja. Kali ja razumieju, što taki krok zabiaśpiečyć maładomu muzykantu ŭ dalejšym tvorčaje raźvićcio, to liču niemahčymym i niepatrebnym hetamu pieraškadžać.
Jość inšy niuans. Chłopcy ŭ adsutnaść surjoznych kansultacyj sa svaimi baćkami, piedahohami časam samastojna prymajuć rašeńnie i ŭ siaredzinie navučańnia źjazdžajuć niekudy, nie viedajučy pra toje, što ich čakaje.
My sprabujem maksimalna rastłumačvać toj fakt, što pry ŭsioj adkrytaści śvietu ŭ kožnaj krainie isnuje patrabavańnie zakryvać vakansii ŭ arkiestrach, teatrach pierš za ŭsio svaimi, nacyjanalnymi kadrami. I my tam zaŭsiody znachodzimsia na pravach haściej.
Pra studentaŭ, jakija hrajuć u padziemnych pierachodach
«U niekatorych vypadkach byvaje vielmi zabaŭna, kali ja baču, što hraje naš student, i kab jaho nia biantežyć, imknusia prajści niezaŭvažna.
Ale naohuł, nie baču ŭ hetym ničoha drennaha. Tym bolš kali čałaviek zajmajecca hetym zakonna, a siońnia heta dazvolena, i haradskija ŭłady vitajuć. Kali čałaviek hraje dobra pryhožuju muzyku, što tut moža być kiepskaha? I ŭ rešcie rešt, ja b skazała, što heta viekavaja praktyka: studenty kansiervatoryi zaŭsiody sprabavali padpracavać, a zaadno i vypracavać navyki pieraadoleńnia chvalavańnia pry publičnym vystupie. Liču, što vykanańnie našych studentaŭ upryhožvaje fanaśfieru horada.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii21
Kamientary