Premiju imia Bahdanoviča atrymała debiutantka Zarasłava Kaminskaja za apovieść «Rusałki kličuć»
Premiju «Debiut» 2018 hoda atrymali Zarasłava Kaminskaja za apovieść «Rusałki kličuć» i Hanna Komar, Jula Cimafiejeva i Natalla Binkievič za sumiesnuju pierakładčyckuju pracu nad zbornikam vybranych vieršaŭ Čarlza Bukoŭski «Śviatło, i pavietra, i miesca, i čas» (z anhielskaj movy).
Taksama žury vyrašyła adznačyć śpiecpremijaj paeta i pierakładčyka Ihara Kulikova «za maštabnaść i advahu ŭ pierakładnickich prajektach, adkryćcio novych mahčymaściaŭ i vymiareńniaŭ movy». Takim čynam, za pierakład z sanskrytu knihi «Ryhvieda. Koła I» jon atrymaŭ ad fonda «Viartańnie» hrašovuju ŭznaharodu, anałahičnuju pieršym pryzam u naminacyjach «Proza» i «Pierakład», — $2000 pa kursie Nacbanka.
Astatnija finalisty atrymali zaachvočvalnyja pryzy ŭ pamiery $500 pa kursie Nacbanka. U naminacyi «Proza» heta Alina Dłatoŭskaja z knihaj «Hien ziamli» i Ivan Stoma z knihaj «Pa žyvych śladach daŭno pamierłych prodkaŭ», u naminacyi «Pierakład» — Alena Kazłova ź pierakładam knihi dla dziaciej finskaha piśmienika Cima Parvieła «Eła i siabry» i Andrej Kim ź pierakładam Kłajva Stejpłza Ljuisa «Chroniki Narnii: Leŭ, Viadźmarka i Harderob».
Cyrymonija ŭznaharodžańnia prajšła ŭ «Hraj-kafe» ŭ Minsku.
Sioleta ŭ žury premii ŭvachodzili: Ihar Babkoŭ, Michał Baranoŭski, Pavał Bierahovič, Maryna Viesiałucha, Siarhiej Dubaviec, Maryja Martysievič, Usievaład Ścieburaka.
Premija «Debiut» imia Maksima Bahdanoviča była zasnavanaja ŭ 2010 hodzie Biełaruskim PEN-centram, Dabračynnym fondam «Viartańnie» i Sajuzam biełaruskich piśmieńnikaŭ. Siarod papiarednich pieramožcaŭ premii — Vital Ryžkoŭ, Andruś Horvat, Natałka Charytaniuk, Anton Francišak Bryl, Viktar Marcinovič, Andrej Adamovič, Michał Baranoŭski, Adela Dubaviec, Hanna Jankuta, Uładź Lankievič, Kaciaryna Oaro, Kaciaryna Macijeŭskaja, Alaksiej Pałačanski, Taćciana Niadbaj, Anatol Ivaščanka, Śviatłana Rohač i inš.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary