Člen Savieta Fiederacyi, rasijski pradprymalnik Sulejman Kierymaŭ zatrymany supracoŭnikami francuzskaj palicyi ŭ horadzie Nica na poŭdni krainy. Pra heta TASS paviedamili ŭ aŭtorak u pres-słužbie pasolstva RF u Francyi.
«Pozna ŭviečary 20 listapada ŭ aeraporcie Nicy byŭ zatrymany Sulejman Kierymaŭ, jaho dastavili ŭ palicejski ŭčastak», - paviedamili ŭ dypmisii. «Adrazu paśla pastupleńnia infarmacyi, - dadali ŭ dypmisii, — u aeraport Nicy vyjechali supracoŭniki kancylaryi hienkonsulstva RF u horadzie Vilfranš-siur-Mier. Jany nieadkładna prybyli ŭ aeraport i damahlisia sustrečy z Kierymavym, heta było kala 03:30 nočy».
Sienatar ciapier znachodzicca pad vartaj u adnym z palicejskich učastkaŭ Nicy. Infarmacyi ab tym, jak doŭha jon moža znachodzicca pad vartaj u Francyi, pakul taksama niama.
Ahienctva Reuters sa spasyłkaj na krynicu piša, što śledstva «skancentravałasia» na «kupli elitnych rezidencyj na Błakitnym bierazie praź fiktyŭnyja kampanii». Jany, na dumku śledčych, dazvolili Kierymavu źnizić abjom padatkaŭ, jakija jon pavinien byŭ by vypłacić u kaznu Francyi. Kierymava zatrymali z-za padazreńni va ŭchileńni ad vypłaty padatkaŭ za majomaść, jakim jon «vałodaje na francuzskaj Ryŭjery», paviedamiła znajomaja sa spravaj krynica Financial Times.
«U ciapierašni čas usie rasijskija konsulskija słužby znachodziacca ŭ pastajannym kantakcie z francuzskimi ŭładami, rasijskamu sienataru akazvajecca ŭsia mahčymaja padtrymka», — skazali ŭ pasolstvie. Rasijskija ŭłady taksama źviarnuli ŭvahu na toje, što Kierymaŭ jak siabra Savietu Fiederacyi maje dypłamatyčny pašpart i nie pavinien zatrymlivacca ŭładami za miažoju.
Ciapier čytajuć
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie61
Kamientary