Heta ŭnikalnaje miesca, z tych, dzie kaniečnie treba pabyvać choć raz za žyćcio. Plažy, piasčanyja vydmy, z dakładnaściu zachavanaje asiarodździe byłoha rybackaha pasiołka i atmaśfiera muzieja pad adkrytym niebam z sapraŭdnaj kałonijaj artystaŭ.
Spakoj tam niepaŭtorny. Navat zabaroniena jeździć mašynaju ad 22.00 i da ranku. Ludzi tudy pryjazdžajuć, kab prosta hulać. Na viaršyni starych vydmaŭ, kali viecier niasie na ciabie piasok, adčuvaješ siabie ŭ biasčaśsi, prosta ŭ biasčaśsi.
Ale ŭ Nidzie jašče i nadziva cikavyja staryja kuršskija mohiłki.
Jość vydatnaja, z fantazijaj kuchnia — naprykład, Varna Terasa.
Minimalistyčny interjer na leśvicy ŭ kaviarniu Varna Terasa.
Sama kaviarnia, aformlenaja skrynkami.
Limonny sarbe, padadzieny ŭ limonie.
(Darečy, kulinarnyja idei my łavili ŭściaž usiaho našaha bałtyjskaha padarožža.)
I mahčymaść padoŭhu hulać, jeździć na rovarach, płavać, iznoŭ hulać. I zachaplacca pasieliščami, pieratvoranymi ŭ sucelnuju mastackuju prastoru — toje, čaho tak brakuje nam u Biełarusi.
Draŭlanaja skulptura ŭ Nidzie. Na zadnim płanie — Vialikaja Vydma, jakaja pahłynuła Staruju Nidu ŭ 1730-ja hady. Ciapier heta papularny maršrut dla piešych špacyraŭ.
Vydmy Kuršskaj kasy ciapier zapaviednik.
Sučasnaja architektura: kaścioł u Nidzie.
U dachu spałučajecca tradycyjny tryśnioh i škło, a formaju carkva nahadvaje karabiel.
Interjer novaha kaścioła niby prasiaknuty śviatłom z dachu, u jakim spałučanyja škło, dreva i tryśnioh.
Čaša sa śviatoj vadoj taksama vykananaja ŭ formie rybackaha čaŭna.
I mini-amfiteatr kala kaścioła.
Prosta i miła: kłumba kala mastackaj škoły vykładzienaja kamieńčykami, ihlicaj i šyškami.
Prosta i akuratna.
Sučasnyja draŭlanyja skulptury.
Staraja kircha Nidy mieściłasia na dziunie kala mohiłak. Ciapier jevanhielistaŭ u Nidzie amal niama, a kirchu najčaściej vykarystoŭvajuć jak kancertnuju zału.
Staryja mohiłki: skulptary nadali im vyhlad, jaki mieli kuršskija mohiłki ŭ staryja časy. Źviarnicie ŭvahu na admietnyja nadmahilnyja draŭlanyja steły.
A tak vyhladajuć novyja mohiłki Nidy.
A tak vyhladajuć novyja mohiłki Nidy.
Miascovyja rasiejcy taksama pišuć na mahiłach pa-litoŭsku.
Mnie strašna spadabałasia, što dzieci za čas padarožža nie tolki pazdaravieli, ale i raźvilisia estetyčna. Toj vypadak, kali samo asiarodździe raźvivaje.
Staraja kircha ŭ Nidzie ŭviečary.
Mahiła z pomnikam u «kuršskim styli» na starych mohiłkach u Nidzie, a proźvišča — biełaruskaje.
Majstar pa apracoŭcy burštynu sa svaimi stankami na hałoŭnym pramienadzie Nidy.
Kamientary