Maštabny apoŭzień na Zamkavaj hary ŭ Navahrudku pahražaje viežy FOTA
Ziamla papaŭzła pa ŭsim uschodnim schile Zamkavaj hary ŭ Navahrudku — heta toj, jaki nad Farnym kaściołam. U vyniku pasunułasia ziamla i pad niadaŭna rekanstrujavanaj Kaścielnaj viežaj.
Hetaje fota zrabiła Taćciana Caruk:
Apoŭźni na horach byvajuć vyklikanyja dziejnaściu čałavieka abo źmienaj kirunku hruntovych vod. Zmahacca ź imi niaprosta. Nahadajem, što hetaj zimoj ziamla papaŭzła i na Zamkavaj hary ŭ Vilni. Tam apoŭzień byŭ vyklikany biazdumnaj vysiečkaj drevaŭ i kustoŭ na schiłach.
Prajekt umacavańnia Zamkavaj hary i viežy ŭ Navahradku, jaki byŭ ažyćcioŭleny ŭ 2013—2014 hadach, raspracoŭvaŭ «Hrodnahramadzianprajekt». Apošni apoŭzień aznačaje, što prajekt akazaŭsia niaŭdały.
«My pravodzili svajo hieałahičnaje daśledavańnie, — raskazvaŭ «Našaj Nivie» tady jaho hałoŭny inžynier Ryšard Kacyniel. — Pa jaho vynikach my raspracavali prajekt umacavańnia schiła bura-injekcyjnymi svajami — pa-inšamu heta zrabić było niemahčyma. A ŭžo mietaličnaja kanstrukcyja dla ŭtrymańnia viežy budzie trymacca na buranabiŭnych svajach. Bietanavali zimoj, ale rastvor zakačvali pad ziamlu, tamu heta nie patrabavała admysłovych prysadak. Svai dobra trymajuć hrunt», — śćviardžaŭ tady Kacyniel.
Zaraz, paśla apoŭźniu, patrebny pastajanny manitorynh stanu viežy, manitorynh prasadak pa haryzantali, adchileńnia viežy ad viertykali. Situacyja patrabuje nieadkładnych krokaŭ.
Chočacca, kab biełarusy zachavali dla ŭnukaŭ viežu Navahradskaha zamka takoj, jakoj my bačym jaje ciapier, a nie krušniu pad haroj.
Navahrudski zamak staić na adnym z samych vysokich uzhorkaŭ krainy — 323 m nad uzroŭniem mora. Kali staiš na hetaj hary, pierad vačyma rasściłajucca prastory.
Navahrudak (Navahradak) byŭ pieršaj stalicaj Vialikaha Kniastva Litoŭskaha, rezidencyjaj Mindoŭha. Zamkavaja hara ź viežami — heta adzin z samych znakamitych biełaruskich krajavidaŭ. Muravany zamak tut paŭstaŭ u XIV—XV stst.
Z Navahrudkam i zamkam źviazanyja pačatki historyi Vialikaha Kniastva Litoŭskaha — mahutnaj biełaruska-litoŭskaj dziaržavy, u jakoj naš narod pieražyŭ svoj Załaty Viek.
Rekanstrukcyja viežy ŭ svoj čas vyklikała vialikija sprečki.
Čytajcie jašče: Jak vam toje, što zrabili ź viežaj Navahrudskaha zamka? ŠMAT FOTAŬ
Čytajcie jašče: Drama ŭ nas na vačach: vieža Navahrudskaha zamka moža abrynucca ŭ luby momant
Ciapier čytajuć
«Franak, adnosiny pamiž ludźmi mohuć budavacca nie tolki na manipulacyjach». Prakop‘jeŭ daŭ vodpaviedź Biaspałavu. I Viačorku32
Kamientary