«Pryjšoŭ čas Jeŭropie pryniać rašeńnie adnosna zamarožanych aktyvaŭ, kali Maskva nie choča admovicca ad udaraŭ dronami i rakietami», — napisaŭ Uładzimir Zialenski.
Unačy Rasija naniesła ŭdar pa Kijevie. Da 29‑ci uzrasła kolkaść paciarpiełych u vyniku načnoj ataki na horad, paviedamiŭ u telehramie mer Vital Kličko. 19 ź ich znachodziacca ŭ stacyjanarach miedustanoŭ horada.
Zahinuli dva čałavieki. Adnaho dastali z-pad zavałaŭ u Śviatošynskim rajonie, dzie adbyłosia trapleńnie ŭ padjezd trochpaviarchovaha žyłoha doma. Jašče adzin čałaviek zahinuŭ u Darnickim rajonie Kijeva, dzie ŭ vyniku padzieńnia rakiety ŭ dvary dzieviacipaviarchovika ŭźnik pažar ź piataha pa siomy pavierch.
«Pryjšoŭ čas Jeŭropie pryniać rašeńnie adnosna zamarožanych aktyvaŭ, kali Maskva nie choča admovicca ad udaraŭ dronami i rakietami. I dakładna treba havaryć z usimi partniorami pra kroki, kab hetuju vajnu skončyć. Dziakuj usim, chto dapamahaje», — napisaŭ u svaim telehram-kanale Uładzimir Zialenski.
Ciapier čytajuć
Cichanoŭski ŭ Jelskim univiersitecie prapanavaŭ try elemienty stratehii ZŠA nakont Biełarusi20
Kamientary
Tak jany ŭžo pryniali rašeńnie.