Siły abarony Ukrainy nanieśli paśpiachovyja ŭdary pa niekalkich važnych abjektach na terytoryi Rasii, u tym liku pa avijaramontnym zavodzie «TANTK imia Bieryjeva» ŭ Tahanrohu ŭ Rastoŭskaj vobłaści, havorycca ŭ zajavie Hienštaba USU.
Jak skazana ŭ zajavie, na zavodzie pravodzicca madernizacyja stratehičnych bambardziroŭščykaŭ Tu-95 i samalotaŭ DRŁV A-50. «Pavodle papiaredniaj infarmacyi, uźnik pažar u cechu pa ramoncie samalotaŭ Tu-95», — havorycca ŭ paviedamleńni.
U aŭtorak ukrainskija vajskoŭcy ŭžo zajaŭlali pra ŭdar pa «TANTK imia Bieryjeva», miarkujučy, što moh być razburany ekśpierymientalny samalot A-60.
Rasijskija ŭłady ŭ aŭtorak paviedamlali pra hibiel troch čałaviek u vyniku ataki na Tahanroh, ale nie paćviardžali ŭdar pa avijazavodzie.
Hienštab USU taksama zajaviŭ pra novuju ataku na Afipski naftapierapracoŭčy zavod u Krasnadarskim krai, jaki ŭžo nie raz stanaviŭsia metaj dla dronaŭ. «Zafiksavanyja vybuchi ŭ rajonie celi z nastupnym pažaram na abjekcie», — skazana ŭ zajavie.
Apieratyŭny štab Krasnadarskaha kraju nočču paviedamlaŭ, što ŭ vyniku ŭdaru pa NPZ była paškodžana častka techničnaha abstalavańnia, «reziervuary nie paciarpieli». Pažar dahetul nie patušany — tolki «likvidavana adkrytaje hareńnie».
Ciapier čytajuć
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi5
Pamior paet Uładzimir Karyzna, aŭtar słoŭ da ciapierašniaha dziaržaŭnaha himna Biełarusi
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary