Vytvorca Snapchat vypuściŭ soniečnyja akulary z ubudavanaj kamieraj
Kampanija Snapchat, hałoŭnym praduktam jakoj źjaŭlajecca adnajmiennaja mabilnaja prahrama dla abmienu fatahrafijami i karotkimi videa, abviaściła pra vypusk soniečnych akularaŭ z ubudavanaj kamieraj.
Novy hadžet pad nazvaj Spectacles pastupić u prodaž užo ŭ hetym hodzie i budzie kaštavać 130 dalaraŭ.
Ubudavanaja kamiera dazvolić zapisvać 10-siekundnyja videa.
Adnačasova z prezientacyjaj navinki Snapchat abviaściła ab ułasnym pierajmienavańni — ciapier kampanija budzie nazyvacca Snap, Inc. Tym samym kampanija padkreślivaje, što źbirajecca pašyryć svaju dziejnaść za miežy absłuhoŭvańnia miesiendžara Snapchat.
Vynachodnik Snapchat Evan Špihiel raspavioŭ, što ŭžo aprabavaŭ novyja akulary padčas ułasnaha adpačynku.
«Kali ja pahladzieŭ źniaty materyjał, u mianie było adčuvańnie, byccam ja znoŭku pražyvaju svaje ŭspaminy. Heta było niejmavierna», — skazaŭ Špihiel u intervju Wall Street Journal.
Navinka kampanii Snap nahadvaje niaŭdały prajekt internet-hihanta Google, jaki sprabavaŭ stvaryć Google Glass — padobnuju da akularaŭ harnituru dla smartfonaŭ, jakaja spałučaje prazrysty dysplej i videakamieru.
Prajekt dajšoŭ da stadyi vypusku partyi pratatypaŭ — kožny koštam u 1500 dalaraŭ.
Raspracoŭka akazałasia vielmi syroj z punktu hledžańnia prahramnaha zabieśpiačeńnia, tamu ŭ sieryju nie pajšła. Pryčym akramia techničnych prablem karystalniki Google Glass vyjavili nieadnaznačnaje ŭsprymańnie hetaha hadžeta z boku navakolnych.
Adny paličyli, što akulary ź videakamieraj, jakaja pastajanna pracuje, źjaŭlajucca pahrozaj pravu ludziej na asabistaje žyćcio. A na dumku inšych, čałaviek z napiatym na vočy Google Glass vyhladaje prosta niedarečna.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada20
Kamientary