Prysud vynies sud Starych Daroh. Krajaznaŭcu pryznali ŭdzielnikam niesankcyjanavanaha ŭstalavańnia kryža ŭ v. Dražna ŭ pamiać achviaraŭ partyzanskaj aperacyi 14 krasavika 1943 h.
Aŭtar knihi «Kroŭ i popieł Dražna» Viktar Chursik na ŭłasnym aŭto vyjechaŭ u Staryja Darohi, adkul jamu dasłali pozvu ŭ sud. Jaho musili sudzić udzieł u niesankcyjanavanym ustalavańni kryža ŭ pamiać achviaraŭ partyzanskaj aperacyi 14 krasavika 1943 h.
Pa słovach historyka Jaŭhiena Aniščanki, jakomu sp. Chursik paśpieŭ patelefanavać, u słuchaŭku było čutna, jak na ruki krajaznaŭcy načapili kajdanki. Jon paśpieŭ skazać, što jaho aryštavali na 15 sutak. Paźniej stała viadoma, što sud Starych Daroh pryznaŭ krajaznaŭcu ŭdzielnikam niesankcyjanavanaha ŭstalavańnia kryža ŭ v. Dražna. U vyniku V. Chursik byŭ prysužany da administracyjnaha aryštu na 15 sutak.
Pavodle sp. Aniščanki, pravasłaŭny śviatar ajciec Leanid (Akałovič) ciapier vymušany chavacca, a jaho rodnych uvieś čas turbujuć pytańniami pra jaho miescaznachodžańnie.
Nahadajem, što ŭstalavany 19 krasavika 2008 hodu kryž byŭ vykapany nieviadomymi praz čatyry dni. Palityku Viačasłavu Siŭčyku, jaki taksama prysutničaŭ u časie ŭstalavańnia kryža, dali 15 sutak aryštu. Jamu inkryminavali «arhanizacyju kilametrovaj kalony sa ściahami» ŭ Starych Darohach.
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»23
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary