U Mahilovie 44-hadovy matacyklist admoviŭsia spynicca na patrabavańnie supracoŭnikaŭ DAI i paciarpieŭ pry zatrymańni.
Jak paviedamiŭ načalnik adździaleńnia pa ahitacyi i prapahandzie DAI UUS Mahiloŭskaha abłvykankama Jaŭhien Žylinski, 4 maja matacyklist na «Jamasie» biez rehistracyjnych znakaŭ prajechaŭ pa vulicy Haharyna i bulvary Nieskaronych, vyjazdžajučy na sustrečnuju pałasu ruchu, piatlajučy pa dvarach, stvarajučy niebiaśpieku dla kiroŭcaŭ i piešachodaŭ.
Kab spynić mužčynu, adnaho rasparadžeńnia inśpiektara DAI było mała. Zapatrabavalisia čatyry patrulnyja mašyny dla pahoni i zatrymańnia parušalnika. «Adna jechała za im, a try pierakryvali darohu. Jon ža pa dvarach kruciŭsia, moh niejkaje dzicia zadušyć», — skazaŭ supracoŭnik DAI.
U vyniku pahoni pa bulvary Nieskaronych matacyklist urezaŭsia ŭ adnu z mašyn DAI i atrymaŭ udar, paśla čaho byŭ špitalizavany. Pavodle źviestak DAI, mužčyna nie byŭ pjany i maje prava na kiravańnie transpartam hetaj katehoryi, choć u momant jazdy paśviedčańnia kiroŭcy ŭ jaho nie było.
Pavodle słoŭ Žylinskaha, svaju admovu spynicca na patrabavańnie inśpiektara DAI matacyklist rastłumačyŭ niežadańniem heta rabić.
Uładzimir Łapcevič, BiełaPAN.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada5
Kamientary