14-hadovaja bieraściejka źjaviłasia na staronkach časopisa Vogue u Tajvani FOTA

Dzieviacikłaśnica Kaciaryna Kašteljan nikoli nie dumała stać madellu, u jaje žyćci byli inšyja zachapleńni: vučoba, sport, tancy. Ale los daŭ joj unikalny šaniec. Vypadkova Kacia apynułasia ŭ madelnym ahienctvie Siarhieja Nahornaha, i heta adkryła pierad dziaŭčynkaj zusim inšy śviet.

— Uletku minułaha hoda ŭ sacsietcy «UKantakcie» mnie napisaŭ skaŭt (tak nazyvajuć ludziej, jakija ŭ internecie šukajuć dziaŭčynak dla madelnaj spravy) i paprasiŭ vysłać snep — fota biez makijažu. Ja vysłała. Paźniej mianie zaprasili ŭ madelnaje ahienctva Siarhieja Nahornaha. Spačatku ja padumała, što heta niejki žart. Ale ŭsio akazałasia praŭdaj, — kaža Kacia Kašteljan. — Zvyčajna ahienctva Nahornaha pravodzić kastynhi dla adboru dziaŭčat. Ale byvaje i tak, kali ich znachodziać z dapamohaj internetu.

Ź vieraśnia Kacia stažyrujecca ŭ madelnym ahienctvie Siarhieja Nahornaha. Pieryjadyčna jana jeździć u Minsk na fotazdymki, jakija pakul u asnoŭnym aryjentavany na stvareńnie partfolia. Spačatku, jak raspaviadaje žycharka Bresta, jana saromiełasia paziravać pierad kamieraj. Ale na dapamohu prychodzili fatohrafy. A dalej užo pačaŭ dapamahać dośvied.

Ahienctva Siarhieja Nahornaha ciesna supracoŭničaje z ahienctvami za miažoj, tamu dla dziaŭčat adkryvajucca šyrokija mahčymaści papraktykavacca ŭ madelnaj spravie ŭ viadomych va ŭsim śviecie dyzajnieraŭ, fatohrafaŭ, arhanizacyj i kampanij. Japonskaje madelnaje ahienctva zacikaviłasia Kaciaj. Razam ź jašče adnoj dziaŭčynkaj ź Minska bieraściejka 7 studzienia hetaha hoda adpraviłasia ŭ svaju pieršuju zamiežnuju stažyroŭku ŭ Tokia. Na praciahu dvuch miesiacaŭ biełaruski chadzili na roznyja kastynhi da dyzajnieraŭ adzieńnia, fatohrafaŭ, redaktaraŭ časopisaŭ, jakija vybirali dziaŭčat dla fotasiesij abo pakazaŭ.

— Madelaŭ u Japonii vielmi šmat. Ja tam sustrakała dziaŭčat ź Biełarusi, Rasii, Ukrainy. Kankurencyja była vielmi vialikaja, — kaža Kacia.

Tym nie mienš bieraściejka stała adnoj ź dziaŭčyn, jakuju vybrali dla zdymak časopisa Vogue Taiwan. Vynik pracy ŭžo vyjšaŭ u śviet u minułym miesiacy. U chutkim časie źjaviacca i inšyja fatahrafii. Bo za hetyja dva miesiacy ŭ Kaci byli šmatlikija zdymki dla roznych katałohaŭ, časopisaŭ, veb-sajtaŭ.

Stažyroŭka ŭ Japonii nie adbiłasia na vučobie Kaci, a vučycca jana na «dziaviatki» i «dziasiatki».

— Ź Japonii ja viarnułasia 8 sakavika — usiaho za dva tydni da zakančeńnia treciaj čverci. Adnak prablem pa vučobie nie ŭźnikła. Ja samastojna vyvučała školny materyjał jašče ŭ Japonii. A pa pryjeździe zdała ŭsie nieabchodnyja raboty i kantrolnyja. Nastaŭniki staviacca da mianie z razumieńniem, tak što nijakich pytańniaŭ i prablem nie ŭźnikła, — kaža junaja madel.

Pakul Kacia zajmajecca tolki fotazdymkami. Da pakazaŭ adzieńnia joj treba jašče daraści, u pramym sensie hetaha słova. Na podyum zaprašajuć dziaŭčynak rostam ad 175 sm. Kaciarynie pakul nie chapaje dvuch santymietraŭ. Adnak usio jašče napieradzie. U Kaci vysokija baćki, tak što hieny voźmuć svajo. Akramia taho, vyciahnucca dapamoža sport. Kacia, akramia madelnaj spravy i vučoby, jašče prafiesijna zajmajecca valejbołam.

— Ja vielmi rada, što stała madellu. Mnie padabajecca hetym zajmacca, dy i heta vydatny sposab ubačyć śviet. Płanuju vučycca va ŭniviersitecie i paralelna być madellu. U mianie šmat znajomych dziaŭčynak, jakim udajecca heta sumiaščać. Dumaju, u mianie taksama atrymajecca, — kaža pra budučyniu junaja madel.

• 0
• 0
• 0
• 0
• 0
• 0
• 0
• 0