Tureckija vajskoŭcy apublikavali aŭdyjozapis, na jakim, jak jany śćviardžajuć, čutnyja papiaredžańni rasijskamu Su-24 pierad tym, jak jon byŭ źbity tureckim źniščalnikam.
Na aŭdyjozapisie čuvać, jak mužčynski hołas na anhlijskaj movie papiaredžvaje: «Vy nabližajeciesia da pavietranaj prastory Turcyi». «Źmianicie kirunak. Nieadkładna paviarnicie u paŭdniovym napramku», — kaža mužčyna.
Rasijski bambardziroŭščyk Su-24 byŭ źbity ŭ aŭtorak u rajonie siryjska-tureckaj miažy — pa śćviardžeńniach tureckaha boku, paśla pierasiačeńnia miažy i nieadnarazovych papiaredžańniaŭ.
Piłoty katapultavalisia, kamandzir ekipaža Aleh Piaškoŭ zahinuŭ u pavietry padčas palotu na parašucie ŭ vyniku ahniu ź ziamli.
Šturmanu Kanstancinu Murachcinu ŭdałosia ščaśliva pryziamlicca i dabracca da vajskoŭcaŭ siryjskaj uradavaj armii.
Padčas pošukava-vyratavalnaj apieracyi rasijskaja armija paniesła novyja straty - byŭ padbity i paźniej padarvany viertalot Mi-8, zahinuŭ marski piachotnik Alaksandr Pazynič.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary