Prarektar EHU pa raźvićci i kamunikacyi Darus Udrys syšoŭ ź Jeŭrapiejskaha humanitarnaha ŭniviersiteta. Sam jon admaŭlajecca nazyvać svoj sychod zvalnieńniem.
«Razam z kiraŭnictvam univiersiteta ja pryniaŭ rašeńnie pakinuć pasadu prarektara. Heta ŭzajemnaje rašeńnie, a nie zvalnieńnie. Paśla čatyroch hadoŭ plonnaj pracy ja vyrašyŭ iści dalej», — skazaŭ Udrys.
Darus Udrys paviedamiŭ, što źbirajecca i dalej pracavać u śfiery suviaziaŭ z hramadskaściu. Taksama Udrys, jaki źjaŭlajecca hramadzianinam ZŠA, patłumačyŭ, što pakul nie maje namieru pakidać Litvu.
U toj ža čas były vykładčyk EHU, kandydat histaryčnych navuk Pavał Cieraškovič ličyć sychod Udrysa praciaham palityki, skiravanaj na vyciskańnie z univiersiteta apanientaŭ: «Na hety raz pad razdaču patrapiŭ udzielnik prezident…, sorry, rektarskaj vybarčaj kampanii, prarektar Darus Udrys. Voś tak pastupaje prezident EHU. Dabradušny čałaviek, sapraŭdny humanist, nośbit jeŭrapiejskich kaštoŭnaściaŭ», — iranizuje Cieraškovič u svaim Facebook.
Kamientary