U Vialikim teatry opiery i baleta Biełarusi ŭ Minsku 1 i 2 listapada adbuducca prem`iernyja pakazy baleta «Łaŭrensija» Alaksandra Krejna.
Vachtanh Čabukijani ŭpieršyniu pastaviŭ hety balet u 1939 hodzie pavodle p`iesy Łopie de Vieha «Aviečaja krynica». Śpiektakl ź vialikim pośpiecham išoŭ u Leninhradskim dziaržaŭnym akademičnym teatry opiery i baleta imia S. M.Kirava (ciapier — Maryinski teatr) da siaredziny 1970-ch hadoŭ i ŭ maskoŭskim Vialikim teatry da pieršaj pałovy 1960-ch, u Tbiliskim teatry da 1980-ch, potym byŭ zabyty i tolki ŭ 2007 hodzie adnoŭleny ŭ Tbilisi.
U minskim teatry opiery i baleta ŭ 1955—1956 hadach adbyłosia ŭsiaho 12 pakazaŭ śpiektakla «Łaŭrensija», pastaŭlenaha dyryžoram Iosifam Abramisam, baletmajstram Siamionam Drečynym, mastakom Michaiłam Bliščam, a zatym hety balet syšoŭ z repiertuaru i bolš nie adnaŭlaŭsia. Amal praz 60 hadoŭ «Łaŭrensija» viartajecca na biełaruskuju scenu. Narodnaja artystka Hruzii i Rasii Nina Ananijašvili padrychtavała novuju redakcyju słavutaha baleta, jana ź`iaŭlajecca baletmajstram-pastanoŭščykam hetaha śpiektakla.
Na pres-kanfierencyi napiaredadni prem`iery Nina Ananijašvili raskazała: «Ja ščaślivaja, što ŭ mianie jość mahčymaść adnavić i viarnuć śvietu vialikuju chareahrafiju Vachtanha Čabukijani. Vielmi pryjemna, što my — internacyjanalnaja kamanda: hruziny, ruskija, biełarusy, estoniec, — ab`iadnalisia, kab pakazać svajo mastactva hledačam. Pracavać z majoj kamandaj i ź biełaruskaj trupaj było vielmi pryjemna, usie siły teatra skancentravalisia, kab stvaryć hety śpiektakl na vielmi vysokim uzroŭni».
U śpiektakli zaniatyja viadučyja salisty i artysty biełaruskaha baleta.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary