Tvorčy duet — Vika i Vadzim Cyhanovy — pradstaviŭ publicy ŭ Maskvie svoj varyjant himna tak zvanaj Navarosii, jaki ŭ liku inšych budzie prapanavany na razhlad žycharam Danbasa.
Adzin ź lidaraŭ sieparatystaŭ Aleh Caroŭ, jaki naviedaŭ mierapryjemstva, zajaviŭ, što himn moža być zaćvierdžany na siesii parłamienta samaabvieščanaj Navarosii da kanca 2014 hoda.
Naviedaŭ mierapryjemstva i eks-ministr abarony «Danieckaj narodnaj respubliki» Ihar Strałkoŭ.
Słovy da himna napisaŭ pradziusier Vadzim Cyhanoŭ, vykanała jaho žonka Vika Cyhanova. Muzyku napisaŭ sierbski kampazitar Ninasłaŭ Ademavič. Paviedamlajecca, što admysłova dla hetaha prajekta była vykarystanaja studyja Adryjana Čelentana ŭ horadzie Koma.
Na dadzieny momant u konkursnaj kamisii znachodziacca kala 30 varyjantaŭ himna. Svoj varyjant abiacaŭ pradstavić i Iosif Kabzon.
Raniej ułady samaabvieščanaj Novorośsii prapanavali ściah i hierb respubliki.
Na minułym tydni premjer-ministr DNR Alaksandr Zacharčanka zajaviŭ, što nieŭzabavie pačniecca i vydača pašpartoŭ. Zaraz u DNR ŭžo vydajuć ŭłasnyja paśviedčańnia ab šlubie i naradžeńni.
Taksama premjer adznačyŭ, što ŭ VNU Daniecka buduć vydavać dypłomy rasijskaha ŭzoru.
Akramia hetaha, paviedamlałasia ab tym, što sieparatysty rychtujuć da vypusku svaju valutu, jakaja pavinna zamianić i ŭkrainskija hryŭny, i rasijskija rubli.
-
Pry vybuchu ŭ elitnym maskoŭskim restaranie paciarpieła, padobna, dačka rasijskaha hienierała, jaki kamandavaŭ nastupam na Kijeŭ
-
U Hdańsku kiroŭca aŭtobusa ź Biełarusi i rabočy vierfi z Ukrainy vyratavali pažyłuju paru ad napadnika
-
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary