U aŭtorak, 13 listapada, administracyja Džordža Buša zamaroziła rachunki biełaruskaha dziaržaŭnaha kancernu «Biełnaftachim». Palitolah Dzianis Mieljancoŭ: Heta ŭ tym liku i syhnał apazycyi ab praciahu padtrymki. MZS: «Biełaruś budzie vymušana adekvatna reahavać».
U aŭtorak, 13 listapada, administracyja Džordža Buša zamaroziła rachunki biełaruskaha dziaržaŭnaha kancernu «Biełnaftachim», paviedamlaje Telehraf, sa spasyłkaj na Associated Press.
Nahodaj dla zamarožvańnia rachunkaŭ amerykanskija ŭłady nazvali toje, što kancern kantralujecca asabista Alaksandram Łukašenkam. Sankcyi Ministerstva finansaŭ ZŠA datyčać usich pradstaŭnictvaŭ «Biełnaftachimu» ŭ Niamieččynie, Ukrainie, Łatvii, Rasiei dy Kitai, a taksama daččynaha padraździaleńnia kancernu Belneftekhim USA.
Sankcyi praduhledžvajuć zamarožvańnie ŭsich rachunkaŭ «Biełnaftachimu» na terytoryi ZŠA i zabaronu dla amerykanskich pradpryjemstvaŭ na supracoŭnictva z kancernam i jaho daččynymi pradpryjemstvami.
* * *
Palitolah Dzianis Mieljancoŭ kamentuje dziejańni administracyi Džordža Buša zamaroziła ŭ dačynieńni rachunkaŭ biełaruskaha dziaržaŭnaha kancernu «Biełnaftachim».
Na ŭnutranuju biełaruskuju palityku hetaje rašeńnie budzie mieć mizerny ŭpłyŭ, bo naŭrad ci Łukašenka i pradstaŭniki aficyjnaj palityčnaj elity trymajuć svaje rachunki na Zachadzie. Inšaja reč, što takija kvaziekanamičnyja dziejańni syhnalizujuć biełaruskim uładam, što moža stać, kali jany nie prysłuchajucca da Eŭropy i ZŠA. Varta razhladać rašeńnie administracyi Buša, jak čarhovy palityčny krok siarod šerahu inšych krokaŭ, śpisu personaŭ non‑hrata, naprykład. Takija kroki, paŭtarusia, pavinnyja prademanstravać režymu, što jamu nieabchodna prytrymlivacca rekamendacyj demakratyčnych dziaržavaŭ, i ŭ sfery pravoŭ čałavieka ŭ tym liku. Adnačasova heta j syhnał apazycyi ab praciahu padtrymki.
***
Adkaz biełaruskaha MZS
A.Papoŭ padkreśliŭ, što «hetaje rašeńnie administracyi Buša idzie ŭrazrez z pryncypami Statuta AAN, a taksama adpaviednymi normami mižnarodnaha prava i mižnarodnaj handlovaj sistemy, zamacavanaj u pahadnieńniach Suśvietnaj handlovaj arhanizacyi».
«Administracyja Buša parušyła Miemarandum ab harantyjach biaśpieki ŭ suviazi z dałučeńniem Respubliki Biełaruś da Dahavora ab nieraspaŭsiudžvańni jadziernaj zbroi ad 5 śniežnia 1994 hoda, u jakim ZŠA ŭ abmien na admovu Biełarusi ad vałodańnia jadziernaj zbrojaj abaviazalisia nie prymianiać da Respubliki Biełaruś miery ekanamičnaha prymusu ŭ metach padparadkavańnia Biełarusi intaresam ZŠA», — skazaŭ A.Papoŭ.
Jon padkreśliŭ, što nievykanańnie ZŠA svaich abaviazacielstvaŭ pa hetym mižnarodnym dahavory «stavić pad sumnieńnie dobrasumlenny charaktar prapanavanych ciapier Złučanymi Štatami jadziernych harantyj inšym krainam».
Aprača taho, zaznačyŭ pres‑sakratar, parušana pahadnieńnie ab handlovych adnosinach, što dziejničaje pamiž Biełaruśsiu i ZŠA, zhodna ź jakim ZŠA abaviazalisia palapšać dostup biełaruskich tavaraŭ i pasłuh na amierykanski rynak i stvarać dla ich aptymalnyja kamiercyjnyja mahčymaści.
«Respublika Biełaruś ličyć niedapuščalnym prymianieńnie adnabakovych ekanamičnych mier prymusu pa palityčnych matyvach, jakija nie tolki admoŭna ŭpłyvajuć na ekanomiku i namahańni ŭ halinie raźvićcia, ale i akazvajuć ahulnaje niehatyŭnaje ŭździejańnie na mižnarodnaje ekanamičnaje supracoŭnictva ŭ cełym», — zajaviŭ A.Papoŭ.
Pavodle słoŭ pres‑sakratara MZS, Biełaruś zaklikaje ZŠA «admovicca ad praktyki zapałochvańnia i prymusu ŭ dačynieńni da našaj krainy, pierajści da palityki raŭnapraŭnych i ŭzajemavyhadnych stasunkaŭ».
Ciapier čytajuć
Andrej Pavuk uładkavaŭsia kiroŭcam tralejbusa ŭ Vilni i raskazaŭ, jak jano19
Kamientary