Na naradzie pa ŭdaskanaleńni zboru druhasnaj syraviny Alaksandr Łukašenka padvierh krytycy pasła Biełarusi ŭ Francyi Paŭła Łatušku.
«My pasłoŭ «zacisnuli», kab pradavali pradukcyju, a pradavać ža nie chočacca.
Chočacca ž, viedajecie: bieleńkija manžeciki, bieleńkija kaŭnieryki, siadzieć u Francyi i pradstaŭlać niejkija palityčnyja intaresy, zajmacca bałbatnioj i karciny na ścienkach raźviešvać, pakazvajučy hetym svaju pracu.
Kali ich žymanuli pa prodažach pradukcyi, što ŭ hetym hodzie treba budzie pierad prezidentam davać spravazdaču, jany zavyli, što pradukcyja nie taja, — skazaŭ Łukašenka. — Ale heta ŭžo nie prachodzić. Ja pracuju prezidentam 20 hadoŭ, nie pieršy hod, mnie možna było tady, u 30 hadoŭ, łokšynu viešać na vušy, ale ŭžo nie siońnia».
Nahadajem, što 9 lutaha ŭ intervju prahramie «Kontury» telekanała ANT Pavieł Łatuška zajaviŭ, što ciažka raźličvać na toje, što biełaruskija dyppradstaŭnictvy za miažoj zmohuć pradavać biełaruskuju techniku sa składoŭ:
«Jość takija prykłady, kali ŭ pasolstvy iduć listy ź infarmacyjaj na adnoj staroncy, u jakoj značycca, što na našych składach znachodzicca stolki voś štuk ruchavikoŭ abo stolki štuk televizaraŭ, abo stolki štuk inšych detalaŭ. I heta prosta padajecca ŭ formie štuk i asobnikaŭ. Kali łaska, pradajcie ŭ vašaj krainie», — paviedamiŭ jon.
Pavodle jaho słoŭ, raźličvać na toje, što za pradpryjemstvy, jakich u krainie tysiačy, zadačy ekspartu vyrašyć adzin handlovy daradca ci adzin pasoł, ciažka. «Nie tamu, što my nie chočam pracavać, a prosta tamu, što 24 hadziny ŭ sutkach», — zaznačyŭ Łatuška.
«My sustrakajemsia ź situacyjaj, kali naša technika na prezientacyjach prosta łamajecca. I, viadoma ž, jaki moža być davier da toj pradukcyi, jakaja na pieršaj ža prezientacyi moža złamacca? Kali kluč ad adzinki našaj techniki nie moža adkryć dźviery.
Možacie sabie ŭjavić, čałaviek kuplaje «Miersiedes», biare kluč i dźviery hetaha «Miersiedesa» adkryć nie moža. Viadoma, my nie pradajem «Miersiedesy», ale ŭžo siońnia, kali my kažam pra sielskahaspadarčaje mašynabudavańnie, pakupnik čakaje «Miersiedesa» na poli», — kanstatavaŭ biełaruski dypłamat.
Ciapier čytajuć
U Dzień maci mamu Ksiušy z SMA pazbavili baćkoŭskich pravoŭ1
Kamientary