Syn Kanaplova staŭ ułaśnikam bara ŭ centry Minska
A taksama zrabiŭ rebrendynh inšaj svajoj ustanovy.
Niadaŭna małodšy syn staršyni Biełaruskaj fiederacyi handboła, vice-prezidenta Nacyjanalnaha alimpijskaha kaiteta Dzianis Kanaploŭ nabyŭ papularny bar, raźmieščany ŭ samym centry stalicy — nasuprać Kastryčnickaj płoščy, — City-cafe Boulevard.
Ustanova pracuje ŭ raniejšym režymie. Administratar paćvierdziła, što novym ułaśnikam źjaŭlajecca Dzianis Kanaploŭ. Akramia taho, jak paviedamili niekalki pradstaŭnikoŭ piersanału, tam užo byvaŭ i sam Uładzimir Kanaploŭ.
Jak vyśvietliłasia, małodšy syn vice-prezidenta NAKa taksama źjaŭlajecca uładalnikam viadomaha Pub Club Mixx, raźmieščanaha na rahu praśpiekta Mašerava i vulicy Čyrvonaj.
Ciaham apošnich miesiacaŭ piŭny restaran byŭ začynieny: pieražyvaŭ rebrendynh. Krychu bolš za tydzień tamu jon znoŭ zapracavaŭ u novym farmacie i pad nazvaj Wine&whiskey bar Mixx.
12 kastryčnika zapłanavana jaho aficyjnaje adkryćcio, na jakoje, jak skazała administratar, trapiać tolki zaprošanyja kiraŭnictvam hości.
Pahutaryć ź Dzianisam Kanaplovym asabista, kab daviedacca ab « canie pytańnia» novaj ździełki i nie tolki nie ŭdałosia. Praz pasiarednika jon pieradaŭ kateharyčnuju admovu ad intervju.
«Ja pieradała jamu vašu prośbu. Ale heta niemahčyma. Dzianis Uładzimiravič niepubličny čałaviek, i nikomu i nikoli intervju nie daje, — skazała art-dyrektar Wine&whiskey bar Mixx Alaksandra.
Adkazvajučy na pytańni pra dźvie ŭstanovy, jana adznačyła, što mieniu prapanuje naviedvalnikam jeŭrapiejskuju i aŭtarskuju kuchniu.
Šef-kuchar — adzin na dźvie ŭstanovy. Taksama viadoma, što Dzianis Kanaploŭ buduje restaran, jaki budzie znachodzicca na bierazie Śvisłačy (pamiž Niamihaj i zabaŭlalnym centram «Žuravinka»).
Ni paćvierdzić, ni abvierhnuć hetuju infarmacyju, z-za admovy restaratara ad intervju, nie ŭdałosia.
Praŭda, uskosna toje, što prajekt isnuje, paćvierdziła surazmoŭca: «Viaducca pačatkovyja budaŭničyja pracy. Ab kancepcyi restarana pakul kazać rana».
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary