«Załaty leŭ» za «Pažadu»
8 vieraśnia na 64-ym Venecyjanskim kinafeście «Załatoha ilva» atrymała «Pažada, Papiaredžańnie» Enha Li.
Karcina raspaviadaje zabłytanuju palityka-luboŭnuju historyju časoŭ Druhoj suśvietnaj vajny. Enh Li ŭžo atrymlivaŭ uznaharodu ŭ Venecyi: jaho premijavali za «Harbataja hara».
Srebra adyšło Brajanu De Palmu za stužku «Adredahavana» pra vajnu ŭ Iraku. U filmie režyser aktyŭna vykarystoŭvaŭ materyjały ź sieciva.
Admysłovy pryz žury padzialili Tod Hiejnz (Ja nia tut) i Abdel Kiešyš (Ziernie i muł). Francuskaja stužka «Ziernie i muł» taksama atrymała pryz FIPRESI.
Najlepšymi aktorami pryznany Bred Pit (Zabojstva Džesi Džejmza) i Kiejt Błanšet (Ja nia tut).
Admysłovaha ilva – na ŭsiu zdymačnuju hrupu – addali karcinie Mikity Michałkova «12». Stužka źjaŭlajecca paŭtoram klasyčnaha filmu Sidni Lumeta «12 raźjušanych mužčynaŭ».
«12» - nie adziny kinapaŭtor na feście. «Hulnia navylet» Kieneta Brany paŭtaraje adnajmiennuju karcinu 1972 hodu z Łoŭrensam Aliŭje i Majkłam Kiejnam. U filmie Brany taksama hraje Kiejn. Jamu hetym razam dastałasia rola Łoŭrensa Aliŭje.
Sprava Softkłuba: zatrymany patryjarch biełaruskaha IT Uładzimir Sirotka i niekalki top-mieniedžaraŭ. Jany padaryli nam ARIP17
Kamientary