Попел — гэта сімвал пакаяння і марнасці людскага быцця.
Згодна са шматвяковай традыцыяй Вялікі пост у каталікоў пачынаецца з так званай Папяльцовай серады. Попел — гэта сімвал пакаяння і марнасці людскага быцця.
Папялец атрымаў такую назву таму, што ў гэты дзень прынята хадзіць на імшу, падчас якой святар на лоб вернікам наносіць знак крыжа асвячоным попелам.Падчас абраду ўскладання попелу святар прамаўляе біблійную фразу «Бо порах ты, і ў порах вернешся».
Вялікі пост у каталікоў доўжыцца 40 дзён.Падчас яго вернікі закліканы больш часу надаваць малітве, чытанню Святога Пісання, справам міласэрнасці, часцей наведваць богаслужбы і прыступаць да тайніц. Прынята ўстрымлівацца ад забаўляльных мерапрыемстваў, шкодных звычак і іншых свецкіх задавальненняў.
Што тычыцца абмежаванняў у ежы, то лацінскі абрад не ўскладае цяжкага цяжару на плечы вернікаў.Каталікі з 14 гадоў абавязаны ўстрымлівацца ад мясных страваў у пятніцы, а
з моманту дасягнення паўналецця і да 60 гадоў жыцця павінны выконваць строгі пост ў Папяльцовую сераду і Вялікую пятніцу.Строгі пост заключаецца ва ўстрыманні ад мяса і ў абмежаванні колькасці ўжытай ежы: адзін раз у дзень вернік можа есці досыць, а два — патроху.
Штонядзелю вернікі павінны ўдзельнічаць у імшы.Усё гэта неабходна для падрыхтоўкі да святкавання Вялікадня — Уваскрэсення Хрыстовага.
Беларускага Сінюю Бараду адпусцілі з расійскай турмы паміраць дома6
Беларускага Сінюю Бараду адпусцілі з расійскай турмы паміраць дома
«Я стаў шчаслівы». Праца на будоўлі прыносіць добрыя грошы, а грамадская актыўнасць — маральную сілу. Былы каліновец Кусь расказаў пра тое, як вярнуў унутраную раўнавагу1313
Каментары