Японская мастачка Яёі Кусама, сусветна вядомая сваімі скульптурамі і інсталяцыямі, памерла ва ўзросце 97 гадоў. Яна пайшла з жыцця 14 жніўня ў шпіталі Токіа праз паліарганную недастатковасць, аднак пра яе смерць стала вядома толькі 27 жніўня.
Кусама нарадзілася ў 1929 годзе ў горадзе Мацумота. Яшчэ ў дзяцінстве яна сутыкалася са зрокавымі галюцынацыямі. Пазней гэты досвед знайшоў адлюстраванне ў яе творчасці — асабліва ў паўтаральных узорах з кропак і сетак, якія сталі яе фірмовым стылем.
У 1957 годзе мастачка пераехала ў ЗША. У Нью-Ёрку яна стала адной з прыкметных прадстаўніц авангарднай мастацкай сцэны, працавала з жывапісам, скульптурай, перформансам і інсталяцыямі.
Сярод самых вядомых яе твораў — скульптуры ў форме гарбузоў і серыя люстраных інсталяцый Infinity Mirror Rooms, якія ствараюць ілюзію бясконцай прасторы.
У 1973 годзе Кусама вярнулася ў Японію. Пазней яна добраахвотна пасялілася ў псіхіятрычнай клініцы ў Токіа, але працягвала штодня працаваць у сваёй студыі непадалёк. Акрамя выяўленчага мастацтва, яна пісала раманы і вершы.
Выставы Кусамы праходзілі ў найбуйнейшых музеях свету, а яе работы прадаваліся на аўкцыёнах за мільёны даляраў. У 2016 годзе яна атрымала японскі Ордэн культуры за ўклад у мастацтва.
Кусама працягвала займацца творчасцю амаль да апошніх дзён жыцця. Паводле яе прадстаўнікоў, мастачка не выпускала пэндзля з рук да самага канца.
Цяпер чытаюць
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя5
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары