«Ніводны карабель не праходзіць праз яго, калі толькі мы самі гэтага не захочам».
Дональд Трамп заявіў, што пасля завяршэння вайны супраць Ірана абвесціць Армузскі праліў, стратэгічна важны марскі шлях, рух па якім ужо некалькі месяцаў істотна ўскладнены праз ваенныя дзеянні, амерыканскай тэрыторыяй, паведамляе Reuters.
«Пасля таго, як мы завяршым разгром Ірана, які цяпер церпіць вельмі сур’ёзнае паражэнне, даволі хутка я абвяшчу Армузскі праліў тэрыторыяй Злучаных Штатаў. Па сутнасці, так яно і ёсць. Мы ажыццяўляем блакаду. Ніводны карабель не праходзіць праз яго, калі толькі мы самі гэтага не захочам», — заявіў ён.
Выданне адзначае, што застаецца незразумелым, наколькі сур’ёзна Трамп ставіўся да свайго выказвання і ці азначала яно змяненне афіцыйнага палітычнага курсу.
Да гэтага пазіцыя Вашынгтона адносна праліву, праз які да вайны праходзіла каля 20% сусветнага экспарту нафты, прадугледжвала забеспячэнне свабоды суднаходства, захаванне міжнароднага марскога права і стрымліванне Ірана з дапамогай эканамічнай блакады і кропкавых удараў.
Раней Трамп у адказ на патрабаванне Ірана кампенсаваць страты, нанесеныя за апошнія пяць месяцаў ваеннага канфлікту, заявіў, што таксама патрабуе ад Ірана кампенсацыі.
Ён запэўніў, што падчас перамоваў з прадстаўнікамі Ірана ўмовы кампенсацый не абмяркоўваліся.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары