Жыхар амерыканскага штата Ілінойс сарваў джэкпот Powerball у $1,04 млрд — гэта найбуйнейшы латарэйны выйгрыш у ЗША сёлета. Аднак пасля выплаты падаткаў пераможцу застанецца менш за $300 млн, калі ён абярэ аднаразовую выплату, піша Forbes.
У сераду ўвечары ў латарэі Powerball выпаў джэкпот у $1,04 млрд. Пераможны білет купіў гулец з Ілінойса.
Пераможцу цяпер прапануюць два варыянты: атрымаць усю суму на працягу 30 гадоў або забраць аднаразовую выплату сумай $450,5 млн. Большасць пераможцаў выбірае другі варыянт.
Аднак $450,5 млн — яшчэ не тая сума, якая апынецца на рахунку пераможцы. Спачатку з яе ўтрымаюць абавязковыя 24% федэральнага падатку, і выплата скароціцца прыкладна да $342,4 млн.
Пасля гэтага пераможцу, верагодна, давядзецца заплаціць падатак па найвышэйшай федэральнай стаўцы — 37%. У выніку пасля федэральных падаткаў ад аднаразовай выплаты застанецца каля $283,8 млн.
Дадатковы падатак спаганяе і штат Ілінойс. Там выйгрышы ў латарэю абкладаюцца па стаўцы 4,95%. Для аднаразовай выплаты гэта каля $22,3 млн, якія таксама будуць утрыманыя пры атрыманні прызавых.
Калі ж пераможца аддасць перавагу 30‑гадовым выплатам, то штогод ён будзе атрымліваць каля $34,7 млн да выплаты федэральных падаткаў. Пасля прымянення стаўкі 37% гэта складзе прыкладна $21,8 млн на год, без уліку падатку штата.
Гэты джэкпот стаў найбуйнейшым латарэйным выйгрышам у ЗША ў 2026 годзе. Шанцы на такі выйгрыш надзвычай малыя — 1 да 292,2 млн.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары
Як толькі грамадзянін заплаціць падаткі сваімі рукамі, дык адразу ў яго пытанне чыноўнікам - а куды вы гэтую прорву маіх грошай дзяваеце? Асабіста я за празрыстасць разлікаў.