На аўкцыёне Sotheby's у Нью-Ёрку за рэкордныя 50,1 мільёна даляраў прадалі шкілет тыраназаўра па мянушцы Гас. Гэта самая вялікая сума, калі-небудзь заплачаная за акамянелыя рэшткі дыназаўра. Імя купца не раскрываецца.
Гаса знайшлі ў 2021 годзе на ранча ў амерыканскім штаце Паўднёвая Дакота. Раскопкі працягваліся тры гады, пасля чаго яшчэ некалькі гадоў спецыялісты займаліся аднаўленнем і зборкай шкілета. Падчас даследавання выявілі сляды ўкусаў на чэрапе і зрослыя пераломы рэбраў, а гэта сведчыць пра тое, што жывёліна атрымала гэтыя траўмы яшчэ пры жыцці.
Паводле ацэнак навукоўцаў, тыраназаўр жыў каля 72—66 мільёнаў гадоў таму. Захавалася 183 косткі, што складае прыкладна 63 працэнты ад поўнага шкілета. Яго даўжыня — каля 11,6 метра, таму Гас лічыцца адным з самых буйных і найбольш поўна захаваных прадстаўнікоў свайго віду.
Папярэдні рэкорд належаў шкілету стэгазаўра, які быў прададзены ў 2024 годзе за 44,6 мільёна даляраў.
Частка палеантолагаў выказвае занепакоенасць тым, што ўсё больш каштоўных знаходак трапляе ў прыватныя калекцыі, а гэта можа абмежаваць доступ навукоўцаў да іх вывучэння.
Прадстаўнікі аўкцыённага дома адзначылі, што высокая цана абумоўленая не толькі ўнікальнасцю знаходкі, але і вялікай працай, праведзенай падчас яе пошуку, раскопак, навуковага даследавання і рэстаўрацыі.
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары
цікавы нумар у гэтай навіны
Дык навошта прадаюць?