Кіраўнік Дзяржаўнай памежнай аховы: Латвія — галоўная мэта гібрыднай вайны з боку Беларусі
Сітуацыя на ўсходняй мяжы звязаная з сур'ёзнымі выклікамі, заявіў начальнік Дзяржаўнай памежнай аховы Латвіі Гунціс Пуятс, піша Delfi.lv.
Паводле яго слоў, перавозчыкі нелегальных мігрантаў таксама сталі дзейнічаць больш агрэсіўна, і памежнікам для іх затрымання даводзіцца выкарыстоўваць усё больш жорсткія меры. Таму Дзяржаўнай памежнай ахове патрэбна больш шырокая падтрымка з боку Нацыянальных узброеных сіл.
Сёлета Дзяржаўная памежная ахова прадухіліла 7600 спроб незаконнага перасячэння беларуска-латвійскай мяжы. Гэта значна больш, чым за аналагічны перыяд мінулага года.
Кіраўнік ДПА характарызуе ціск на знешнюю мяжу як вельмі высокі і адзначае, што гэта выклікана шэрагам прычын. Адна з іх — паслядоўная падтрымка Латвіяй Украіны і асуджэнне расійскай агрэсіі. На сітуацыю таксама ўплываюць прапагандысцкія наратывы, якія распаўсюджвае Расія, а дадатковыя рызыкі ўплываюць на будучыя выбары ў Сейм.
«Мэта — дэстабілізаваць сітуацыю, выклікаць незадаволенасць і раскол у грамадстве праз нібыта няздольнасць справіцца з гэтымі цяжкасцямі», — заявіў Пуятс.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары