Рыбакоў у ААН назваў украінскім беспілотнік, які ўдарыў па аўтобусе ў Бранскай вобласці
Паводле яго слоў, гэта быў БПЛА «Дартс».
Пастаянны прадстаўнік Беларусі пры ААН Валянцін Рыбакоў учора на пасяджэнні Рады бяспекі ААН, прысвечаным атацы на беларускі аўтобус у Бранскай вобласці Расіі, назваў тып выкарыстанага беспілотніка. Паводле яго слоў, гэта быў БПЛА ўкраінскай вытворчасці, піша Reform.news.
«Сёння ў нас ёсць доказы, каб адказна заявіць: атака на беларускі аўтобус была здзейсненая ўдарным БПЛА ўкраінскай вытворчасці. Гэты БПЛА належыць да тыпу Darts і абсталяваны паражальнымі элементамі. Ён мае баявую частку з масай выбуховага рэчыва каля 1200 г у трацілавым эквіваленце», — сказаў ён.
Рыбакоў адзначыў, што на месцы здарэння былі канфіскаваныя прадметы з маркіроўкай на ўкраінскай мове.
«Падчас агляду месца здарэння былі канфіскаваныя прадметы з маркіроўкамі на ўкраінскай мове. Сярод іх — блок кіравання дэтанатарам, выраблены на заводзе ў Шостцы Сумскай вобласці. Сам дэтанатар, а таксама акумулятарная батарэя з'яўляюцца кампанентамі, вырабленымі ва Украіне», — сказаў ён.
Разам з тым пастаянны прадстаўнік Беларусі не паведаміў, хто менавіта атакаваў аўтобус.
Ён асудзіў удар, назваўшы яго правакацыяй, накіраванай на эскалацыю канфлікту і ўцягванне Беларусі ва ўзброены канфлікт паміж Расіяй і Украінай. Рыбакоў падкрэсліў, што адсутнасць хуткай і жорсткай рэакцыі з боку Мінска не варта расцэньваць як праяву слабасці, нерашучасці або баязлівасці.
Інцыдэнт з беларускім аўтобусам здарыўся 17 чэрвеня ў Бранскай вобласці.
Тады быў пашкоджаны аўтобус, які перавозіў дзяцей з футбольнай каманды дзіцяча-юнацкай спартыўнай школы №2 горада Рэчыцы, а таксама навучэнцаў прыватнай танцавальнай студыі. Расійскія ўлады сцвярджалі, што ўдар быў нібыта нанесены ўкраінскім беспілотнікам.
У выніку здарэння загінула жанчына, якая суправаджала групу дзяцей і была жонкай трэнера каманды. Яшчэ восем чалавек, у тым ліку шасцёра дзяцей, атрымалі траўмы рознай ступені цяжкасці. Іх усіх адразу перавезлі ў Беларусь.
Цяпер чытаюць
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
[Зрэдагавана]