У японскай прэфектуры Фукусіма працягваюцца пошукі мядзведзя, які напаў на чатырох чалавек і здзівіў улады сваёй незвычайнай кемлівасцю, паведамляе The Mirror.
Спачатку драпежнік атакаваў работніка на паркоўцы аднаго з прадпрыемстваў. Мужчыну ўдалося выратавацца толькі дзякуючы кіроўцу аўтамабіля, які адганяў мядзведзя машынай. Затым жывёліна забегла ў суседні офісны будынак, дзе напала яшчэ на аднаго чалавека, а пасля параніла яшчэ двух.
Пазней мядзведзь пранік на завод электронікі. Паводле сведчанняў работнікаў, ён самастойна адкрыў кран і піў з яго ваду.
Для адлову жывёліны былі задзейнічаны спецыяльныя службы, якія выкарыстоўвалі стрэльбы са снатворным. Каля ўваходаў паставілі пасткі, але мядзведзь здолеў пазбегнуць іх. Як паведамляецца, ён самастойна адкрыў замкнёнае акно і ўцёк з будынка.
Прадстаўнікі мясцовых улад адзначылі, што ў жывёліну трапіў транквілізатар, аднак па невядомай прычыне прэпарат не падзейнічаў. Мэр горада Юкі Баба назваў мядзведзя надзвычай разумным, звярнуўшы ўвагу на яго здольнасць карыстацца кранам і адчыняць акно.
Да пошукаў далучыліся паліцыя, паляўнічыя, дзяржаўныя службы і аператары дронаў. Пакуль што знайсці жывёліну не ўдалося.
З-за пагрозы нападаў школы ў раёне часова закрываліся, але цяпер аднавілі працу з дадатковымі мерамі бяспекі.
Паводле японскіх СМІ, за апошні год у краіне ад нападаў мядзведзяў загінулі 13 чалавек, а колькасць сур'ёзных інцыдэнтаў дасягнула рэкорднага ўзроўню. Спецыялісты звязваюць гэта са змяненнем клімату, недахопам корму ў дзікай прыродзе і скарачэннем насельніцтва ў сельскай мясцовасці. У сувязі з гэтым Японія нават змяніла заканадаўства, дазволіўшы ў асобных надзвычайных выпадках выкарыстоўваць агнястрэльную зброю супраць мядзведзяў у населеных пунктах.
У Японіі змагаюцца з мядзведзямі пры дапамозе «ваўкоў-монстраў» з чырвонымі вачыма
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Украінца, які хацеў патаемна перабрацца ў Румынію, на мяжы затрымала сапраўдная мядзведзіца
«Вось яшчэ такі сюрпрыз». Мядзведзя заўважылі за 25 кіламетраў ад Мінска
Дзяўчынка сустрэла на лецішчы мядзведзя. Ён мірна адпачываў у двары
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары