У Беларусі запрацавала сістэма «адно акно» для цяперашніх і будучых уладальнікаў электрамабіляў. Яе стварыла Беларуская асацыяцыя развіцця электратранспарту.
Праз спецыяльны партал карыстальнікі могуць анлайн звяртацца з рознымі пытаннямі: атрымліваць тэхнічныя кансультацыі, паведамляць пра праблемы з зараднымі станцыямі або пакідаць іншыя звароты.
Усе паведамленні будуць размеркаваныя па катэгорыях. Адказы плануецца даваць індывідуальна, а найбольш папулярныя пытанні і тлумачэнні публікаваць у сацыяльных сетках асацыяцыі. Для вырашэння больш складаных сітуацый могуць прыцягвацца спецыялісты галіны, прадстаўнікі аператараў зараднай інфраструктуры і аўтадылераў.
Скарыстацца з сэрвісу можа кожны, незалежна ад грамадзянства і маркі электрамабіля. Пры падачы звароту неабходна пазначыць імя, кантактныя даныя, мадэль аўтамабіля і VIN-нумар. Таксама можна прыкласці фотаздымкі або відэа, якія тычацца праблемы.
Паводле даных асацыяцыі, цяпер у Беларусі дзейнічае 2688 грамадскіх зарадных станцый, каля 70 працэнтаў з якіх з'яўляюцца хуткаснымі. На беларускіх дарогах эксплуатуюцца прыкладна 60 тысяч экалагічных аўтамабіляў, у тым ліку каля 41 тысячы электрамабіляў і больш за 19 тысяч гібрыдаў.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары