«Міленькія, але каб мамачку не сустрэць». У Магілёве заўважылі дзікіх парасят
Магілёўцы працягваюць сустракаць дзікіх жывёл ў межах горада. Гэтым разам мясцовая жыхарка заўважыла пару дзікіх парасят, якія шпацыравалі ў раёне праспекта Дзімітрава без суправаджэння свінні, піша «МогилевОнлайн».
«Нічога сабе ў вас праспекты», — напісаў нехта, на што аўтарка паста ў Threads пажартавала: «Ага, ва ўсіх кантактныя заапаркі, а ў нас адразу праспекты».
Карыстальнікі сацыяльнай сеткі здзівіліся і ўсхваляваліся ўбачаным. Некаторыя занепакоіліся, што побач можа быць і дарослы дзік.
«Божанькі, ды якія ж яны міленькія! Галоўнае — мамачку не сустрэць», — напісала адна з карыстальніц у каментарах.
Хтосьці сур’ёзна занепакоіўся, што дзікія жывёлы гуляюць так блізка.
Па словах аўтаркі паста, яна паведаміла пра сустрэтых дзічкоў у МНС, але калі ратавальнікі прыехалі, то парасяты ўжо зніклі ў невядомым кірунку. Дарэчы, аказалася, што гэта ўжо не першы раз, калі дзічкоў заўважаюць у горадзе, але злавіць іх пакуль не ўдаецца.
Іншыя дзікія жывёлы таксама любяць наведвацца ў Магілёў. Так, літаральна днямі ў сацсетках дзяліліся відэа з прагулкай лася каля Трыумфальнай аркі.
У Варшаве ўлады вырашылі адстраляць дзікоў, якія непамерна распладзіліся ў горадзе. Аднак людзі пратэстуюць
На Гродзеншчыне дарогу перад аўтамабілем перабег вялікі статак дзікоў ВІДЭА
У Германіі за год падстрэлілі каля 3 тысяч радыеактыўных дзікоў
У Варшаве пасялілі чалавекападобнага робата — ён ганяе дзікоў і размаўляе з народам
Дзікія жывёлы ў мароз выходзяць да людзей. Як сябе паводзіць? Вось якія частыя памылкі мы робім
Каментары