Найстарэйшай удзельніцы Другой сусветнай вайны ў Беларусі — 106 гадоў
У Беларусі самым пажылым удзельнікам «Вялікай Айчыннай вайны» з’яўляецца жанчына з Мінска, якой нядаўна споўнілася 106 гадоў. Сярэдні ж узрост ветэранаў і ўдзельнікаў той вайны ў краіне цяпер складае каля 99 гадоў, а самаму маладому з іх 92, паведамляе агенцтва «Мінск-Навіны».
Паводле даных Міністэрства працы і сацыяльнай абароны, у Беларусі жыве больш за 6 тысяч чалавек, якія атрымліваюць падтрымку як людзі, нейкім чынам звязаныя з вайной.
Пры гэтым варта памятаць, што па беларускіх законах да ветэранаў вайны прыроўненыя асобы, якія бралі ўдзел «у ліквідацыі нацыяналістычнага падполля на тэрыторыі Украіны, Беларусі і балтыйскіх краін да канца 1951 года». Але нават з іх улікам уласна ветэранаў і ўдзельнікаў не больш за 10%.
Дзяржава працягвае аказваць гэтым людзям розныя віды дапамогі. Да Дня Перамогі штогод выплачваецца аднаразовая матэрыяльная дапамога — у 2026 годзе яе памер складае ад 1500 да 5000 рублёў. Выплаты праводзяцца ў пачатку мая, і значная частка ветэранаў ужо атрымала гэтыя сродкі.
Акрамя таго, дзейнічаюць спецыяльныя надбаўкі да пенсій. Для ўдзельнікаў і інвалідаў вайны яны складаюць прыкладна ад 510 да 765 рублёў, а для іншых пацярпелых катэгорый — ад 320 да 510 рублёў.
Таксама ў Беларусі рэалізуецца праграма падтрымкі, якая прадугледжвае дапамогу ў побыце, рамонт жылля, стварэнне бяспечных умоў пражывання і іншыя меры. Акрамя фінансавай падтрымкі, ветэраны карыстаюцца льготамі ў сферы аховы здароўя, санаторнага лячэння і сацыяльнага абслугоўвання.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары
"Пры гэтым варта памятаць, што па беларускіх законах да ветэранаў вайны прыроўненыя асобы, якія бралі ўдзел «у ліквідацыі нацыяналістычнага падполля на тэрыторыі Украіны, Беларусі і балтыйскіх краін да канца 1951 года»".
Я ў Варшаве пазнаёміўся з палякам, які носіць значок Арміі Краёвай і лічыцца ветэранам, удзельнікам Варшаўскага паўстання. Хоць ён 1936 года нараджэння, то-бок было яму тады 8 гадоў. Але ветэран, быў пасыльным. Так і тут