Напярэдадні візіту Ціханоўскай у Арменіі затрымалі беларуса з агульнай базы росшуку
Беларус прыехаў у Арменію з Грузіі 3 мая, дзе яго затрымалі праз агульную базу росшуку краін. Праз 12 гадзін і пасля ўмяшання праваабаронцаў яго вызвалілі.
За дзень да візіту Святланы Ціханоўскай у Арменію, на мяжы затрымалі беларуса, які прыехаў з Грузіі ў Арменію наземным шляхам, піша «Позірк».
Да вырашэння праблемы падключыліся армянскія праваабаронцы і Офіс Святланы Ціханоўскай, і ў выніку беларуса вызвалілі прыкладна праз 12 гадзін пасля затрымання. Ён будзе знаходзіцца ў Арменіі, пакуль мясцовыя ўлады выдадуць яму неабходныя дазволы на выезд.
Затрыманы беларус паведаміў «Позірку», што на радзіме супраць яго завялі крымінальную справу. Паводле яго слоў, сілавікі прыходзілі да маці, каб высветліць месцазнаходжанне сына, які нібыта здзейсніў крадзеж.
У Беларусі і Арменіі адзіная база росшуку ў межах СНД, таму беларусы, якія прыязджаюць у Арменію, рызыкуюць быць выдадзенымі Беларусі. Паводле слоў дарадцы Святланы Ціханоўскай па прававых пытаннях Леаніда Марозава, яму вядома пра 5‑7 выпадкаў затрымання ў Арменіі беларусаў з базы росшуку.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары