«Ціса» ў Венгрыі атрымала нават больш парламенцкіх мандатаў, чым меркавалася папярэдне
Нацыянальнае выбарчае бюро Венгрыі апублікавала канчатковыя вынікі парламенцкіх выбараў, якія адбыліся 12 красавіка. Фінальны падлік галасоў сведчыць, што партыя «Ціса» на чале з Петэрам Мадзьярам атрымала канстытуцыйную большасць.
Партыя Мадзьяра набрала 70,85% галасоў і атрымае 141 са 199 месцаў у парламенце (раней казалі пра 139). Партыя пакуль дзейнага прэм’ер-міністра Венгрыі Віктара Орбана «Фідэс» набрала 26,13% галасоў і будзе мець 52 месцы. Шэсць прадстаўнікоў у венгерскім парламенце атрымае ультраправая «Наша радзіма».
Вынікі выбараў, паказаныя «Цісай», з’яўляюцца абсалютным рэкордам пры цяперашняй выбарчай сістэме краіны. Такая колькасць мандатаў дасць Мадзьяру магчымасць памяняць канстытуцыю і хутка дэмантаваць сістэму Орбана. Прыярытэтам для новага ўрада з’яўляецца размарожванне фінансавання Еўрасаюза, якога патрабуе эканоміка Венгрыі.
Сам Мадзьяр вынікі выбараў пракаментаваў так: «Беспрэцэдэнтная большасць, беспрэцэдэнтныя паўнамоцтвы і адначасова адказнасць».
«Зараз мы разам з усімі калегамі працуем над тым, каб у сярэдзіне мая партыя «Ціса» змагла пачаць працу з урадам, які штодня будзе даказваць, што хоць ён і не ідэальны, але быў годны даверу венгерскага народа», — напісаў ён на сваёй старонцы ў Facebook.
Хто такі Петэр Мадзьяр, які перамог Віктара Орбана
«Перамогу «Цісы» ўспрымаю пазітыўна, але ёсць асцярогі». Беларусы, якія жывуць у Венгрыі, расказалі пра выбары і змену ўрада
Мадзьяр падлавіў Орбана ў ягонай рэзідэнцыі. І нават з гэтага пажартаваў ВІДЭА
Мадзьяр запатрабаваў адстаўкі прэзідэнта Венгрыі
Мадзьяр анансаваў увядзенне абмежаванняў на тэрміны займання пасады прэм'ера Венгрыі
Відэа з пераможным танцам у Будапешце сабрала за ноч больш за мільён праглядаў
Каментары