Дрон ударыў па электрападстанцыі ў Белгарадзе. Частка горада засталася без святла
Губернатар Белгародскай вобласці Вячаслаў Гладкоў паведаміў, што раніцай Белгарад атакавалі два дроны, у выніку чаго «на аб’екце энергетычнай інфраструктуры адбылося ўзгаранне».
Удар быў нанесены па электрападстанцыі «Паўднёвая» ў Белгарадзе, паведамляе выданне «Пепел». Пасля выбуху на аб’екце пачаўся пажар, які пазней патушылі. Абсталяванне атрымала нязначныя пашкоджанні.
У цэнтры горада і на некаторых вуліцах у раёне падстанцыі знікла электрычнасць, у асобных выпадках адключылася і вада. На некалькіх вуліцах перасталі працаваць святлафоры.
Выданне адзначае, што гарадскія энергетыкі «спецыяльна адключылі падстанцыю ад сілкавання», каб пазбегнуць кароткіх замыканняў падчас тушэння пажару.
Каментары