31 сакавіка завяршыўся прыём дакументаў для ўдзелу ў выбарах у Каардынацыйную раду чацвёртага склікання. Атрыманы заяўкі ад дзевяці выбарчых спісаў, у якіх разам заяўленыя 175 кандыдатаў, паведаміла старшыня камісіі па выбарах у КР Алена Прыходзька, піша «Люстэрка».
Частка выбарчых спісаў ужо прайшла рэгістрацыю. Сярод іх — «Еўрапейскі выбар» (17 кандыдатаў, лідар — Валерый Мацкевіч) і «Закон і правапарадак» (12 кандыдатаў, лідар — Сяргей Макар).
Астатнія спісы праходзяць выбарачную вэрыфікацыю.
Сярод іх:
Кааліцыя Латушкі і Рух «За Свабоду» — 38 кандыдатаў, лідары — Павел Латушка і Юрый Губарэвіч;
Блок беларускіх палітычных зняволеных «Беларусы дзеяння» — 12 кандыдатаў, лідар — Юрый Зянковіч;
Аб’яднаная грамадзянская платформа — 22 кандыдаты, лідар — Мікалай Казлоў;
«Хопіць баяцца!» — 13 кандыдатаў, лідарка — Таццяна Мартынава;
Рух «Воля» — 28 кандыдатаў, лідар — Мікіта Забуга;
«Ваш голас» — 20 кандыдатаў, лідар — Андрэй Колас;
«Наступ» — 13 кандыдатаў, лідарка — Лізавета Пракопчык.
Такім чынам, на месцы ў Каардынацыйнай рады разам прэтэндуюць 175 кандыдатаў.
Цяпер чытаюць
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне12
Каментары