31 sakavika zaviaršyŭsia pryjom dakumientaŭ dla ŭdziełu ŭ vybarach u Kaardynacyjnuju radu čaćviortaha sklikańnia. Atrymany zajaŭki ad dzieviaci vybarčych śpisaŭ, u jakich razam zajaŭlenyja 175 kandydataŭ, paviedamiła staršynia kamisii pa vybarach u KR Alena Prychodźka, piša «Lusterka».
Častka vybarčych śpisaŭ užo prajšła rehistracyju. Siarod ich — «Jeŭrapiejski vybar» (17 kandydataŭ, lidar — Valeryj Mackievič) i «Zakon i pravaparadak» (12 kandydataŭ, lidar — Siarhiej Makar).
Astatnija śpisy prachodziać vybaračnuju veryfikacyju.
Siarod ich:
Kaalicyja Łatuški i Ruch «Za Svabodu» — 38 kandydataŭ, lidary — Pavieł Łatuška i Juryj Hubarevič;
Błok biełaruskich palityčnych źniavolenych «Biełarusy dziejańnia» — 12 kandydataŭ, lidar — Juryj Ziankovič;
Abjadnanaja hramadzianskaja płatforma — 22 kandydaty, lidar — Mikałaj Kazłoŭ;
«Chopić bajacca!» — 13 kandydataŭ, lidarka — Taćciana Martynava;
Ruch «Vola» — 28 kandydataŭ, lidar — Mikita Zabuha;
«Vaš hołas» — 20 kandydataŭ, lidar — Andrej Kołas;
«Nastup» — 13 kandydataŭ, lidarka — Lizavieta Prakopčyk.
Takim čynam, na miescy ŭ Kaardynacyjnaj rady razam pretendujuć 175 kandydataŭ.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho6
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary