Колькі будзе каштаваць бярозавік і дзе яго будуць прадаваць у Мінску
У Міністэрстве лясной гаспадаркі распавялі, колькі будзе каштаваць бярозавы сок у гэтым сезоне і дзе яго можна будзе купіць у сталіцы.
Як паведамілі ў ведамстве, нарыхтоўку соку ўжо пачалі ў Старобінскім лясгасе. Таксама збор ідзе ў паўднёвых рэгіёнах краіны — там традыцыйна сезон пачынаецца раней.
У Мінскім дзяржаўным вытворчым лесагаспадарчым аб’яднанні агучылі цэны на сок (без ПДВ):
у лясніцтвах вобласці літр абыдзецца ў 0,42 рубля;
у раённых цэнтрах — 0,48 рубля;
у Мінску — 0,55 рубля.
Дзе будзе ў сталіцы
У Мінлясгасе апублікавалі адрасы пунктаў продажу, дзе можна будзе набыць свежы сок:
вуліца Ціміразева, 118;
вуліца Леаніда Левіна, 8;
вуліца Баграціёна, 70;
праспект Дзяржынскага, 104;
Лагойскі тракт, 52.
Інфармацыя пра дакладную дату старту продажаў з’явіцца дадаткова.
Каментары