Усяго за двое сутак таўшчыня лёду на вадаёмах скарацілася з 50 да 30 см. Мінская гарадская арганізацыя Таварыства выратавання на водах папярэдзіла, што з-за адлігі выходзіць на лёд ужо не варта, а таксама назвала самыя небяспечныя вадаёмы сталіцы і прыгарада.
Далей сіноптыкі абяцаюць устойлівы «плюс», а значыць, лёд працягне імкліва губляць трываласць.
«Выратавальнікі заклікаюць жыхароў быць асабліва асцярожнымі, устрымлівацца ад выхаду на лёд і ўважліва сачыць за зменамі надвор’я», — распавяла прадстаўніца Мінскай гарадской арганізацыі Таварыства выратавання на водах Ганна Новікава.
Выратавальнікі нагадваюць, што ў адлігу выхад на лёд — неапраўданая рызыка, нават калі покрыва візуальна здаецца трывалым. «Рыбалка, прагулкі, катанне на каньках — усё гэта цяпер смяротна небяспечна», — звяртае ўвагу таварыства
— Вадаёмы з самай небяспечнай сітуацыяй — Камсамольскае возера, вадасховішча Дразды, вадасховішча Крыніца, Цнянскае вадасховішча, Мінскае мора, — распавяла Onliner Ганна Новікава.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім4
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары