Біл Гейтс прызнаўся ў шлюбных здрадах з расіянкамі і ў тым, што Эпштэйн яго гэтым шантажаваў
Падчас сходу з супрацоўнікамі свайго дабрачыннага фонду мільярдэр прызнаўся, што меў раманы з расіянкамі, перадае яго словы The Wall Street Journal.
Мільярдэр і заснавальнік Microsoft Біл Гейтс падчас сустрэчы з калектывам свайго фонду зрабіў шэраг адкрытых прызнанняў пра адносіны з асуджаным за сэксуальныя злачынствы Джэфры Эпштэйнам. Гэта адбылося на фоне апублікавання новых файлаў па справе Эпштэйна.
Гейтс назваў свае сустрэчы з Эпштэйнам «велізарнай памылкай» і папрасіў прабачэння ў кожнага, каго гэтая сітуацыя закранула. Ён прызнаў, што яго сувязь з такім чалавекам нанесла ўдар па рэпутацыі фонду, каштоўнасці якога цалкам процілеглыя ўсяму, што рабіў Эпштэйн.
Мільярдэр адкрыта прызнаўся, што меў два пазашлюбныя раманы з расіянкамі, пра якія Эпштэйн пазней даведаўся. Адна з іх — гулец у брыдж, яны пазнаёміліся на турнірах. Другая — фізік-ядзершчык, яны пазнаёміліся па працоўных справах.
Гейтс кажа, што гэтыя жанчыны не былі ахвярамі Эпштэйна і сам ён ніколі не ўдзельнічаў у нечым незаконным. Аднак, паводле звестак медыя, Эпштэйн спрабаваў выкарыстоўваць інфармацыю пра гэтыя раманы, каб шантажаваць Гейтса або ціснуць на яго.
Паводле слоў Біла Гейтса, Эпштэйн пераканаў яго, што можа дапамагчы сабраць мільярды долараў на дабрачыннасць праз свае сувязі з багатымі людзьмі з Уол-стрыт. Гейтс кажа, што прысутнасць іншых уплывовых людзей на сустрэчах «нармалізавала» сітуацыю ў яго вачах.
Гейтс сцвярджае, што пасля 2014 года не сустракаўся з Эпштэйнам і ігнараваў яго электронныя лісты.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары