У Мінску на гэты момант працуюць 59 гатэляў і яшчэ 19 падобных месцаў размяшчэння, агульная колькасць месцаў у якіх складае каля 13 тысяч. Пра гэта 12 лютага паведаміла загадчыца сектара развіцця турызму Камітэта эканомікі Мінгарвыканкама Дар’я Шыбека, піша агенцтва «Мінск-Навіны».
Са слоў чыноўніцы, сярэдняя запаўняльнасць гатэляў у сталіцы перавышае 60%, а ў пікавыя даты дасягае 80—100%.
У 2025 годзе ў Мінску адкрылася два новыя аб’екты: трохзоркавы гатэль у Лошыцкім палацава-паркавым комплексе і пяцізоркавы гатэль на вуліцы Янкі Купалы, 27.
Дар’я Шыбека адзначыла, што ў горадзе прадстаўлены гатэлі розных катэгорый і цэнавых сегментаў, а найбольш папулярныя — трох– і чатырохзоркавыя, якія спалучаюць камфорт і даступныя цэны для турыстаў.
Таксама ў рамках рэалізацыі дзяржаўнай праграмы «Турызм» на 2026 год запланавана рэканструкцыя двух мінскіх гатэляў — «На Замкавай» і «На тым беразе».
Цяпер чытаюць
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы88
Каментары