Сёння пройдзе лёсаванне футбольнага турніру Ліга нацый. Пачатак а 19‑й па беларускім часе.
У адносна новым турніры, які разыгрываецца з 2018 года, еўрапейскія зборныя падзеленыя на чатыры дывізіёны-лігі ад А да D.
А — самы моцны, дзе гуляюць зборныя ўзроўню Англіі, Бельгіі, Германіі, Даніі, Іспаніі, Італіі, Нідэрландаў, Партугаліі, Уэльса, Францыі, Харватыі ды інш).
Потым ідзе B (Боснія, Венгрыя, Грузія, Косава, Паўночная Ірландыя, Польшча, Румынія, Славенія, Шатландыя, Швецыя, Швейцарыя ды інш), потым С і самы слабы дывізіён D (Азербайджан, Андора, Гібралтар, Латвія, Літва, Ліхтэнштэйн).
Зборныя разбіваюцца на групы, праводзяць двухкругавы турнір (шэсць матчаў). Пераможцы груп выходзяць у верхні дывізіён, тыя, што прайграюць, апускаюцца ніжэй.
Беларусы трывала атабарыліся ў С. Не самы слабы дывізіён, але ў меру малацікавы.
Каманды перад лёсаваннем разбітыя на чатыры кошыкі:
першы кошык: Ісландыя, Албанія, Чарнагорыя, Казахстан;
другі кошык: Фінляндыя, Славенія, Балгарыя, Арменія;
трэці: Беларусь, Фарэрскія выспы, Кіпр, Эстонія;
чацвёрты: Латвія або Гібралтар, Люксембург або Мальта, Малдова, Сан-Марына.
Падчас лёсавання ў супернікі беларусам дастанецца па зборнай з кожнага кошыка, апроч трэцяга.
Матчы пройдуць увосень з 24 верасня па 17 лістапада, прычым упершыню ў гісторыі будуць сыграныя адразу чатыры запар гульні: з 24 верасня па 6 кастрычніка. Тады ў еўрапейскіх чэмпіянатах прадугледжаны спецыяльны перапынак.
Зборную Беларусі, нагадаем, узначаліў Віктар Ганчарэнка.
Дэпутатка, якая рыхтуе прыгажунь для Лукашэнкі, выйшла замуж23
Каментары