Зяленскі: Новы раўнд перамоў аб завяршэнні вайны пройдзе на наступным тыдні
Прэзідэнт Украіны Уладзімір Зяленскі ў інтэрв’ю агенцтву Bloomberg паведаміў, што прыняў прапанову ЗША правесці яшчэ адзін раўнд перамоў пра заканчэнне вайны з Расіяй на наступным тыдні.
Па словах украінскага прэзідэнта, на стале таксама знаходзіцца амерыканская ідэя «вольнай эканамічнай зоны» як буфера на Данбасе, аднак да яе абодва бакі ставяцца скептычна:
«Ніводнаму з бакоў ідэя вольнай эканамічнай зоны не падабаецца — ні расіянам, ні нам», — адзначыў Зяленскі, адначасова не адкідаючы магчымасць канчатковага разгляду гэтай прапановы.
Ён падкрэсліў, што ў пытанні буфернай зоны кіраваць ёю павінна дзяржава, якой належыць тэрыторыя, і цяпер самы рэалістычны варыянт для Данбаса — фіксацыя сіл уздоўж лініі фронту:
«Калі гэта наша тэрыторыя — а гэта наша тэрыторыя — то кіраваць ёю павінна краіна, якой яна належыць».
Зяленскі таксама адзначыў, што любую міратворчую прапанову Украіна павінна зацвердзіць альбо праз галасаванне ў Вярхоўнай Радзе, альбо праз рэферэндум, а для перамір’я патрэбны кантроль пры ўдзеле ЗША — бакі яшчэ ўзгадняюць фармулёўку і дэталі.
Акрамя таго, Украіна плануе ўзмацніць перамоўную каманду эканамічным блокам: да дэлегацыі маюць прыцягнуць міністра эканомікі Аляксея Собалева для абмеркавання з ЗША эканамічнага аспекту пасляваенных дамоўленасцяў.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім3
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары