Зяленскі падпісаў закон аб прававым статусе іншаземцаў, якія служаць ва ўкраінскім войску
Прэзідэнт Украіны Уладзімір Зяленскі падпісаў закон №4730-IX, які рэгулюе прававы статус іншаземцаў і асоб без грамадзянства, што праходзяць вайсковую службу ва Украіне па кантракце, паведамляе прэс-служба Вярхоўнай Рады
Згодна з дакументам, іншаземцы і асобы без грамадзянства, што праходзяць вайсковую службу ва Украіне па кантракце, будуць лічыцца такімі асобамі, якія знаходзіцца на тэрыторыі краіны на законных падставах, калі атрымаюць пасведчанне на часовае пражыванне. Яно будзе выдавацца на ўвесь тэрмін дзеяння кантракта і яшчэ на шэсць месяцаў пасля яго заканчэння або скасавання.
Замежныя вайскоўцы і асобы без грамадзянства павінны на працягу шасці месяцаў з моманту ўступлення закона ў сілу звярнуцца па афармленне пасведчання на часовае пражыванне. Да заканчэння гэтага тэрміну іх законнае знаходжанне ва Украіне будзе пацвярджацца вайсковым пасведчаннем.
Акрамя таго, закон распаўсюджвае дзяржаўныя гарантыі ў сферы медыцынскай дапамогі на іншаземцаў і асоб без грамадзянства, якія служаць у войску. На іх будуць распаўсюджвацца нормы закона аб сацыяльнай і прававой абароне вайскоўцаў і членаў іх сем’яў у частцы медыцынскага забеспячэння. Кабінет Міністраў павінен на працягу трох месяцаў вызначыць парадак аказання медыцынскай дапамогі такім вайскоўцам ва Узброеных сілах Украіны, Нацгвардыі і Дзяржаўнай спецыяльнай службе транспарту.
У профільным камітэце Вярхоўнай Рады падкрэслілі, што афармленне пасведчання на часовае пражыванне дасць замежным вайскоўцам магчымасць без перашкод карыстацца банкаўскімі, натарыяльнымі, медыцынскімі і іншымі сацыяльнымі паслугамі.
Закон уступіць у сілу праз тры месяцы пасля яго афіцыйнага апублікавання.
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары