У Мінску ў межах найбліжэйшай пяцігодкі плануюць адкрыць тры новыя станцыі метро на трэцяй лініі. Пра гэта паведаміў дырэктар Мінскага метрапалітэна Аляксей Шылаў, піша БелТА.
Развіццё мінскай падземкі, са слоў Аляксея Шылава, будзе працягвацца: паскорана будаўніцтва трэцяй, Зялёналужскай лініі да станцыі «Парк Дружбы народаў» на плошчы Бангалор, а таксама пачнецца ўзвядзенне чацвёртай — кальцавой — лініі. Для гэтага закуплены другі тунэлепраходчы комплекс, што дазволіць адначасова будаваць два тунэлі.
Рух па новым участку трэцяй лініі плануюць адкрыць у межах пяцігодкі, пасля чаго абедзве машыны перакінуць на будаўніцтва кальцавой лініі — ад «Пушкінскай» да будучай станцыі «Харкаўская». Праектаванне ідзе паскоранымі тэмпамі, а значную частку работ на кальцавой лініі плануюць выканаць за пяць гадоў.
Інтэрвалы руху цягнікоў застануцца ранейшымі: у гадзіны пік 2 хвіліны на першай лініі і 2,5 хвіліны на другой. Пасля адкрыцця новых станцый трэцяй лініі пасажыраплынь на ёй ужо вырасла амаль на 218%, і такі ж рост чакаецца з уводам яшчэ трох станцый. Гэта дасць магчымасць перасякаць горад за 20—25 хвілін.
Са слоў дырэктара метрапалітэна, у 2025 годзе метро перавезла 267 мільёнаў пасажыраў — у сярэднім каля 730 тысяч чалавек штодня. Летась набылі 20 новых вагонаў, а цяпер рыхтуецца пастаўка яшчэ 15.
Сёння метрапалітэн забяспечвае каля 36,6% усіх гарадскіх перавозак Мінска, а пасля адкрыцця станцыі на плошчы Бангалор колькасць пасажыраў можа дасягнуць 800 тысяч на дзень, што павялічыць долю метро да 40%.
Цяпер чытаюць
Памятаеце Асоль Слівец? Жыццё фрыстайлісткі змянілася да непазнавальнасці, цяпер яна Абігаль1
Каментары
Дойную корову, в виде БелЖд, прирезали и пустили на мясо, кто следующий на место БелЖд ?