Пракуратура Мінска знайшла сур’ёзныя парушэнні аховы працы на адным з будаўнічых аб’ектаў сталіцы. Падчас праверкі высветлілася, што некаторыя будаўнікі працавалі на вуліцы ў мароз у летнім тэкстыльным абутку, які не абараняў ні ад холаду, ні ад вільгаці, ні ад слізкай паверхні.
Акрамя таго, работнікі паведамілі, што ў халодны перыяд ім не даваліся дадатковыя перапынкі для абагрэву на працягу працоўнага дня. Гэта супярэчыць санітарна-эпідэміялагічным патрабаванням, згодна з якімі людзі, што працуюць у неспрыяльных тэмпературных умовах, павінны быць забяспечаныя спецадзеннем, ахоўным абуткам і іншымі сродкамі індывідуальнай абароны.
Праверка таксама паказала, што на будаўнічым аб’екце адсутнічалі аптэчкі першай дапамогі, сцены бытавых памяшканняў мелі дэфекты і не забяспечвалі належнага цеплавога камфорту. Інструменты і матэрыялы захоўваліся без спецыяльных прыстасаванняў, што стварала рызыку іх падзення і траўмавання работнікаў.
У выніку пракурор Заводскага раёна Мінска вынес прадпісанне кіраўніку арганізацыі з патрабаваннем тэрмінова ліквідаваць выяўленыя недахопы і прыцягнуць вінаватых службовых асоб да дысцыплінарнай адказнасці.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім12
Каментары