Навучэнец каледжа катаваў свайго непаўналетняга суседа па пакоі і здымаў на відэа — вынесены прысуд
Выкарыстоўваючы кайданкі, ізаляцыйную стужку і пнеўматычную зброю, навучэнец старшага курса здзекаваўся з 16‑гадовага падлетка, пакуль яго аднакурснік фіксаваў катаванні на камеру.
Паводле пракуратуры Слуцкага раёна, 18‑гадовы навучэнец прафесійна-тэхнічнага каледжа ў адзін з дзён верасня 2025 года наўмысна збіваў 16‑гадовага падлетка, які жыў з ім у адным пакоі.
Хлопец скаваў рукі падлетка за спінай металічнымі кайданкамі, абматаў вакол галавы ізаляцыйную стужку, пасля чаго нанёс не менш за восем удараў рукамі па розных частках цела суседа і зрабіў па ім два стрэлы пластыкавымі кулямі з пнеўматычнага пісталета.
Тое, што адбывалася, здымаў на відэа аднакурснік маладзёна, потым ён апублікаваў гэта ў сеціве.
Суд Слуцкага раёна прызначыў абвінавачанаму 2 гады і 6 месяцаў «хіміі» са штрафам у памеры 60 базавых велічынь (на суму 2700 рублёў). Суд таксама прысудзіў выплаціць 2000 рублёў у якасці кампенсацыі маральнай шкоды.
Прысуд у законную сілу не ўступіў, можа быць абскарджаны і апратэставаны ў апеляцыйным парадку.
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3232
Каментары