Такія даныя прыводзіць японская кампанія Kirin Holdings — адзін з найбуйнейшых сусветных вытворцаў піва, які штогод публікуе глабальную статыстыку па спажыванні піва ў розных краінах, піша Thinktanks.pro.
Поўных даных за 2025 год яшчэ няма, таму кампанія публікуе вынікі 2024 года.
Безумоўным лідарам застаецца Кітай. За 2024 год у краіне было выпіта 40,5 мільярдаў літраў піва, што складае амаль 21% сусветнага рынку. Пры гэтым спажыванне скарацілася на 3,7% у параўнанні з 2023 годам.
На другім месцы знаходзяцца ЗША з аб'ёмам 22,3 мільярда літраў і доляй 11,5%, дзе таксама захоўваецца трэнд на больш умеранае спажыванне.
Трэцюю пазіцыю займае Бразілія — 15,3 мільярда літраў, далей ідуць Мексіка (10,8 мільярда) і Расія (9,5 мільярдаў). Расія паказала і адзін з самых высокіх тэмпаў росту — плюс 9% за год.
Найбольшы рост спажывання піва зафіксаваны ў Індыі, дзе яно павялічылася на 14,6%.
У Еўропе дынаміка рознаскіраваная: у Германіі і Чэхіі аб'ёмы знізіліся, тады як Вялікабрытанія, Італія і Румынія паказалі невялікі рост.
Усяго ў свеце ў 2024 годзе было спажыта 194,1 мільярда літраў піва, што на 0,5% больш, чым годам раней.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары