Паступаць у ВНУ на завочнае аддзяленне дазволілі без стажу па спецыяльнасці
Аляксандр Лукашэнка падпісаў указ «Аб удасканаленні ўступнай кампаніі». Як заяўляецца, дакумент накіраваны на тое, каб абітурыенты мелі роўныя ўмовы для паступлення ва ўстановы вышэйшай і сярэдняй спецыяльнай адукацыі, а конкурсны адбор быў максімальна справядлівым.
Указам створана дзяржаўная камісія, якая будзе кантраляваць падрыхтоўку і правядзенне ўступнай кампаніі. Таксама зацверджаны яе пастаянны склад. Камісія атрымала паўнамоцтвы сачыць у тым ліку за правядзеннем універсітэцкіх алімпіяд, якія даюць права на льготнае паступленне ў ВНУ.
Кіраўніцай камісіі прызначылі намесніцу прэм’ер-міністра Наталлю Пяткевіч. У яе склад увайшлі прадстаўнікі Савета Рэспублікі і Палаты прадстаўнікоў, дзяржаўных органаў кіравання, кантрольных структур і праўладных грамадскіх арганізацый.
Акрамя гэтага, указ уносіць змены ў правілы прыёму. Напрыклад, для паступлення ва ўніверсітэт на завочную або дыстанцыйную форму навучання больш не будзе патрабавацца, каб працоўны стаж адпавядаў абранаму профілю адукацыі.
Таксама ўдакладняюцца льготныя катэгорыі абітурыентаў у сувязі са стварэннем каледжа Міністэрства ўнутраных спраў.
Яшчэ адно новаўвядзенне — увядзенне профільнага экзамену па прадмеце «Гісторыя Беларусі ў кантэксце сусветнай гісторыі», паколькі менавіта гэтую дысцыпліну цяпер вывучаюць у 10—11 класах замест асобнага курса гісторыі Беларусі.
У Беларусі ёсць ВНУ, куды залічваюць да сярэдзіны лістапада
«Балаў не хапіла нікуды, нават на платнае». Што кажуць бацькі абітурыентаў, якія не паступілі
БДУ падвёў вынікі ўступнай кампаніі. Сталі вядомыя самыя папулярныя спецыяльнасці
Феномен медыцынскага ўніверсітэта: кабала з размеркаваннем, невялікія заробкі, але ад абітурыентаў адбою няма
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары