Тры месяцы таму адбыўся моўны скандал у швейцарскім цягніку. Ці быў хто пакараны?
У кастрычніку мінулага года агрэсіўны рускамоўны мужчына напаў на сямейную пару беларуса і ўкраінкі ў цягніку ў Швейцарыі, бо яму не спадабалася ўкраінская мова. Ад часу таго інцыдэнту пайшоў чацвёрты месяц. «Радыё Свабода» даведалася працяг гэтай гісторыі.
Украінка Алена Дуднік разам з мужам, швейцарцам беларускага паходжання Габрыэлем Шаровым, ехалі 13 кастрычніка з малым дзіцём у цягніку па Швейцарыі. Рускамоўны мужчына, які сядзеў па суседстве, пачаў агрэсіўна да іх чапляцца. Яго абурыла ўкраінская мова, на якой размаўляла Алена. Рускамоўны мужчына аказаўся грамадзянінам Латвіі Аляксандрам Вабіксам. Ён лаяўся матам, пагражаў забойствам, паказваючы пальцам на сям’ю. Алена запісала інцыдэнт на відэа.
Пасля гэтага некаторыя медыя паведамілі, што Вабікса нібыта арыштавалі. Аднак, паводле Алены Дуднік, гэта не адпавядае рэчаіснасці. У каментары для «Радыё Свабода» яна патлумачыла, што толькі нядаўна паліцыя запрасіла яе з мужам на допыт па гэтай справе.
«Гэта быў допыт у паліцыі для азнаямлення пракуратуры з нашымі паказаннямі і матэрыяламі справы. Наколькі я ведаю, неўзабаве павінны дапытаць і самога Вабікса, а таксама жанчыну, якая была разам з ім. На гэты момант гэта ўсё», — сказала «Свабодзе» Алена.
Партнёрка Вабікса — украінка з Адэсы, якая мае статус уцякачкі ў Швейцарыі. Паводле паведамленняў украінскіх СМІ і сацыяльных сетак, Вабікс раней пагражаў іншым жанчынам фізічным гвалтам і сексуальнымі дамаганнямі. На ўдакладняючае пытанне Свабоды, ці знаходзіцца Вабікс увесь гэты час на свабодзе, Алена Дуднік дадала:
«Так! І ніхто яго не збіраецца затрымліваць, паліцыя пакуль адказала нам, што не бачыць прычыны, па якой яго трэба арыштоўваць».
17 кастрычніка Служба дзяржаўнай бяспекі Латвіі (VDD) распачала крымінальны працэс супраць Вабікса. Справа распачатая ў адпаведнасці з часткай трэцяй артыкула 78 Крымінальнага кодэкса Латвіі — за дзеянні, накіраваныя на распальванне нацыянальнай і этнічнай варожасці і варажнечы супраць украінцаў, звязаныя з гвалтам і пагрозамі. «Свабода» накіравала ў VDD запыт, на якім этапе зараз знаходзіцца гэты працэс, але адказу пакуль не атрымала.
У Латвіі завялі крымінальную справу на мужчыну, які абражаў у цягніку ў Швейцарыі ўкраінска-беларускую сям'ю
«Я трымаўся, спрабаваў яго супакоіць». У Швейцарыі беларус абараніў сям’ю ад агрэсіўнага рускамоўнага пасажыра ў цягніку
Белорусы Вильнюса собирают подписи в защиту возможности обучать детей на белорусском языке
Цяпер чытаюць
Заснавальнік дабрачынных фондаў для дапамогі дзецям Лысянкоў дабегаўся — яго затрымаў ДФР2
Каментары
Таму спадзявайцеся толькі на сябе ў "свабодным свеце дэмакратыі"!