Прэзідэнт Украіны сёння падчас сустрэчы з журналістамі заявіў, што Кіеў не аддасць Данбас і Запарожскую АЭС без бою.
Таксама Зяленскі зазначыў, што паміж Украінай і Расіяй не было ніякіх прамых перамоў ці прамых пагадненняў аб спыненні ўдараў па энергетычных аб’ектах.
Паводле кіраўніка Украіны, акрамя двух праблемных пытанняў, Украіна згаджаецца з іншымі пунктамі амерыканскага мірнага плана. У той жа час украінскі бок спадзяецца на сілу ЗША, якая зможа прымусіць расіян выконваць гэтыя пункты.
«Я называю гэта амерыканскім планам. Мы публічна вядзём дыскусію менавіта так. Гэта амерыканскі план, у якім сёння ёсць 20 пунктаў. Мы працуем над двума пунктамі. Што датычыцца астатніх пунктаў, якія ў гэтым плане ёсць, мы згаджаемся. Гэта мая пазіцыя. І мы спадзяёмся на сілу Злучаных Штатаў Амерыкі, каб расійскі бок таксама згаджаўся з усімі пунктамі, якія Амерыка распрацавала, акрамя таго, што мы ўжо чулі», — адзначыў Зяленскі.
Прэзідэнт Украіны заявіў, што хоча падпісаць гарантыі бяспекі да фінальнага рашэння аб завяршэнні вайны.
Ён адзначыў, што проста дэкларацый «кааліцыі рашучых» аб гатоўнасці ўвесці войскі ва Украіну недастаткова, бо парламенты гэтых краін іх не зацвердзілі.
Зяленскі таксама выключыў магчымасць перамоваў у Маскве ці Мінску, але запрасіў Пуціна ў Кіеў.
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні9
Каментары