Як планавалася сустрэча Ціханоўскай і Зяленскага і што будзе далей? Расказвае Вячорка
25 студзеня прэзідэнт Украіны Уладзімір Зяленскі правёў першую сустрэчу са Святланай Ціханоўскай. Хто і як запланаваў іх размову? Распыталі дарадцу Ціханоўскай Франака Вячорку.
Як расказаў Франак Вячорка, гаворка пра магчымую сустрэчу ўзнікла ўсяго за пару дзён да цырымоніі ўшанавання памяці Кастуся Каліноўскага ў Вільні, на якой, акрамя прымаючага боку на чале з прэзідэнтам Літвы Гітанасам Наўседам, прысутнічаў прэзідэнт Польшчы Караль Наўроцкі.
«Украінскі бок сам на нас выйшаў. Спачатку ішла размова толькі пра супольную прысутнасць на цырымоніі ў гонар гадавіны Паўстання 1863—1864 гадоў, потым пра прамову, было шмат перапіскі. А пасля вырашылі зрабіць асобна і двухбаковую сустрэчу. Ініцыятыва ішла ад прэзідэнта Украіны».
Франак Вячорка лічыць такі крок сігналам пра змену палітыкі ва Украіне па розных напрамках — і па ўнутраных, і па знешніх.
«У тым ліку мяняецца падыход да Беларусі і адносіны з дэмакратычнымі сіламі. Украіна апошнім часам праяўляе лідарства па Беларусі, Зяленскі пастаянна гаворыць пра Беларусь. Я думаю, гэта ў цэлым змена палітыкі на больш актыўную. Раней было больш ігнаравання, пазбягання тэмы. Зараз жа яны занялі праактыўную пазіцыю».
Змену насцярожанасці ў дачыненні да беларускай апазіцыі на дыялог аналітыкі звязваюць адразу з некалькімі прычынамі: прыход на месца кіраўніка Офісу прэзідэнта Кірыла Буданава замест Андрэя Ярмака, разуменне, што ад Лукашэнкі з тэрыторыі Беларусі пакуль не варта чакаць пагрозы, а таксама жаданне адабраць у яго бонусы «легітымнасці», якімі яго адорвае прадстаўніцтва ЗША.
Падчас размовы Уладзімір Зяленскі ў тым ліку запрасіў Святлану Ціханоўскую ў Кіеў.
«Мы ўжо абмяркоўваем даты прыезду з Офісам прэзідэнта Украіны, — пацвердзіў Франак Вячорка раэльнасць будучага візіту. — Рыхтуем два комплексы пытанняў і прапановаў. Стратэгічна-палітычныя — ініцыятывы па міжнароднай палітыцы, па стаўленні да рэжыму, па санкцыйнай палітыцы, па адказнасці за выкрадзеных украінскіх дзяцей. Таксама абмяркуем праблемы беларусаў ва Украіне, праблемы добраахвотнікаў і прапануем культурна-асветнае ўзаемадзеянне і інфармацыйную супрацу. У нас вельмі шмат тэмаў, і па многіх з іх мы ўжо пачалі дыялог».
Неўзабаве таксама мусіць быць прызначаны новы спецпрадстаўнік Украіны па Беларусі.
«Плануецца, што мостам у камунікацыі з нашага боку будзе Святлана Шаціліна з Місіі дэмакратычнай Беларусі ў Кіеве, а з іх — спецпасланнік».
«Наша Нiва» — бастыён беларушчыны
ПАДТРЫМАЦЬ«Ні слова па-расейску». На ўчарашняй сустрэчы Ціханоўская і Зяленскі гаварылі кожны на сваёй мове
Вячорка: Калі ты ноч пад абстрэламі перажывеш, тады разумееш, чаму трэба дапамагаць украінцам
«Усё так ці інакш будзе вырашацца на полі бою». Чым будзе займацца новая кіраўніца Місіі дэмакратычнай Беларусі ва Украіне?
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары